เยเลมี 46
46
โต่ว หว่า ก๊อง อียิบ
1โต่ว หว่า เมี่ยน, เยเลมี, ตุ๊ ฒิบ เฒี้ยว เญย น้าย เต๋ย หว่า ก๊อง เถา หม่าน กั๊วะ.
2ก๊อง เถา อียิบ,
น้าย เต๋ย หว่า ก๊อง เถา อียิบ ฮู่ง, ฟาโลเนโค เญย จุน-แปง, เยียม ยูเฟติด ด้าย เฮลน, คานเคมิด วั้ว. บาบีโลน ฮู่ง, เนบูคัดเน้ดซา หย่า เบ๊าะ ฮี่ง ต๋อย โยสิยา เญย ตอน, เยโฮยาคิม, โหฒว ยูดา เญย ฮู่ง ตะเฝย หฮญัง วั้ว หฮญัง. นิ่น ก๊อง,#อิสะยา 19:1-25; เอเสเคน 29:1—32:32
3“เม่ย บัว อ๋อย หฒุ หลิ่ว เล์ย
เม่ย บัว เญย ต้ม ท้อง-ป้าย, ฟิ้ว-ท้อง-ป้าย,
ธ้วด เจ๊า มี่ง เบ๊าะ จ๋า.
4อ๋อย หฒุ ปุ่ย ม์า.
เก้ ม์า แปง อ้า! ฝาว มี่ง เก้ เจี๊ยน อ๊ะ.
ด๋ง เจี๊ยน เฮลียะ-หมั่ว
เยียม เบ๊าะ จ๋า เญย ต๋อง,
เหฑียว#46:4 ม่าย เต๋ย โซว ก๊อง ฑ้าด. เม่ย บัว เญย ธัง,
ฒุ เจี๊ยน เม่ย บัว เญย เฮลียะ-ลุย.
5เยีย เหว่ย หาย ติ่ว ปวัด นิ่น บัว กั้ม เหฑีย
แอ๋ง ต๋าว ซิน หฑวน.
นิ่น บัว เญย เบ๊าะ จ๋า แปง หฒุ เซวย
หย่า เซี้ยบๆ เญย เปย๋า,
ฒู้ง ไม้ ฮวิน เฮมียน หฑวน.
ม่าย แฮะ กั้ม เหฑีย เญย สี่ เว่ย ก๋อม.”
เฒี้ยว ฮนั้ง น้าย ก๊อง.
6“เซี้ยบ เญย เมี่ยน เปย๋า ไม้ ฮี่ง,
เบ๊าะ จ๋า เฮ้น เญย แปง หย่า เปย๋า ไม้ ดุ๊ด.
เยียม ป๊ะ ปูง, ยูเฟติด ด้าย กะเฮลน,
นิ่น บัว ดิ๊ หฒุ ดอบ.
7“น้าย หาย เต้า ฮนั้ง ไนอา ด้าย ฝาว,
ฮนั้ง ด้าย เญย ววม กว๊าด เจี๊ยน ต้าย?
8อียิบ ฝาว ต้าย ฮนั้ง ไนอา ด้าย,
ฮนั้ง ด้าย เญย ววม กว๊าด เจี๊ยน ต้าย.
นิ่น ก๊อง, ‘เยีย อ๋อย ฝาว ต้าย เหยียม ก๋อม ลู่ง เดี๊ย.
เยีย อ๋อย เหมียด เหฑ่ง ฒี่ง เหธา เยียม ฒี่ง เญย แปะ ฝีง.’
9ม์า อ้า! หูง เจี๊ยน มี่ง อ๊ะ.
เบ๊าะ จ๋า เญย เธีย อ้า! เป๊ะ เจี๊ยน มี่ง.
พ้าย เบ๊าะ จ๋า เฮ้น เญย แปง ธ้วด มี่ง,
เซ นั้น เจี๊ยน ท้อง-ป้าย เญย เอทีโอเปีย เมี่ยน#46:9 เซ คู้ด เมี่ยน. เหธา พู้ด เมี่ยน,
เหธา ไฮ่ ป๊วน จวัง-หฒิน เญย ลิเดีย เมี่ยน.
10วั้ว ฮนอย เซ เฒี้ยว, เน่น เจี๋ย เญย เฒี้ยว, เญย ฮนอย,
เซ นิ่น จ๊าว วิน เญย ฮนอย,
อ๋อย จ๊าว วิน ปุน นิ่น เญย วิน-วั้ง.
หฑุ ด๊าว ฯฒฯ หญั่น เป๊ว,
หย่า ฮบ วิน-วั้ง เญย ฑย้าม หฒูง,
เหว่ย หฒุ เฒี้ยว, เน่น เจี๋ย เญย ทิน-ฮู่ง,
เยียม ป๊ะ ปูง เต่ย-ปูง, ยูเฟติด ด้าย เฮลน ฝ่ง ห่อ เหฒี่ย.
11“อียิบ เมี่ยน อ้า!#46:11 ฮิบลู หว่า ก๊อง “อียิบ ไม้ เปว๋ย เจี๋ย ตอน เญย เซียะ”.
มี่ง กิเลอาด ล์อ เดีย-ดาง.
เม่ย หล่ง ธั้ม-หญู่ง เดีย หย่า ไม้ ลั่ม หล่ง.
เหว่ย เม่ย นอ, ไม้ ไฮ่ หฒ่อ ไม้ หลง.
12หม่าน กั๊วะ เมี่ยน ตุ๊ ไฮ์ เมี่ยน หฒุ ไญ้ เญย เฝียน,
เม่ย เญี้ยม เญย เฉีย ปวั๊ง เหฑ่ง ลู่ง เดี๊ย,
เหว่ย หฒุ เบ๊าะ จ๋า เฮ้น เญย แปง ฟี่ ฮนั้ง เญย ล่าน เหฑี่ยง หฒุ ล่าน,
อี ล่าน ฒู้ง ล่ม ฑ่อย คีง เหฌี่ย.”
เนบูคัดเน้ดซา ฮู่ง ต้าย เบ๊าะ
13น้าย เซ เฒี้ยว ก๊อง บั๋ว โต่ว หว่า เมี่ยน, เยเลมี, เญย หว่า, ก๊อง เถา บาบีโลน ฮู่ง, เนบูคัดเน้ดซา, อ๋อย ต้าย เบ๊าะ อียิบ เต่ย-ปูง.#เยเลมี 43:10-13
14“อ๋อย หฒุ เยียม อียิบ ฒุ่น ก๊อง, เยียม มิกโดน ฒุ่น,
แอ๋ง เยียม เมมฟิด เหธา ทาปานเหด ฒุ่น ก๊อง,
‘อ๋อย หฒุ โซ้ว ฑ่อย, หลิ่ว เล์ย เหฒียง
เหว่ย หฒุ หฑุ ด๊าว อ๋อย เยียม เว่ย ก๋อม เหมียด เหฑ่ง.
15เม่ย บัว เญย ง่ง โก๊ว เฒี่ยน, อาปิด,#46:15 ม่าย เต๋ย โซว ฟาน น้าย โจ๋ว เป๋น เฮ้น เญย แปง. เหว่ย หาย ติ่ว เปย๋า?
เม่ย บัว เญย ง่ง โก๊ว เหว่ย หาย ติ่ว โซ้ว ไม้ เจี๊ยน?
เซ เหว่ย หฒุ เฒี้ยว ฟ้ง นิ่น คีง เหฌี่ย.
16เม่ย เญย เมี่ยน ธั้ม ไห่#46:16 ฮิบลู หว่า ก๊อง “นิ่น ปุน เมี่ยน ธั้ม...” ดิ๊ หฒุ ดอบ,
ล่าน ฯฒฯ ก๊อง บั๋ว ล่าน,
‘เจี์ย ต้าย ม่าะ! บัว หฑวน บัว กั้น เญย แปะ ฝีง,
เถา บัว ธ้วด เสย เญย เต่ย-ปูง,
หลาย เหฒย บัว วั้ว เต๋ย เญย หฑุ ด๊าว.’
17อ๋อย หฒุ ธ้วด บั๋ว เห่ว อียิบ เญย ฟาโล ฮู่ง,
‘กะน้าย-บุย, ปุน เฒี่ยง โห่ พยัด’ วั้ว เต้า.”
18ฮู่ง เตี๋ย, ต้ง ม่าย บั๋ว เห่ว เน่น เจี๋ย เญย เฒี้ยว วั้ว เต้า,
ฮนั้ง น้าย ก๊อง, “เยีย เฒี้ยง เจี๊ยน เยีย กั้น เญย แหม่ง ก๊อง,
ม่าย เต้า อ๋อย ต้าย ฮนั้ง ทาโบ เยียม หฒวัง บง บุด๋ง,
หย่า ฮนั้ง เยียม วั้ว ค้อย-เฮลน เญย คานเมน บง.
19เยียม อียิบ เญย เมี่ยน อ้า!
อ๋อย หฒุ หลิ่ว เล์ย เหฒียง เม่ย บัว หฒุ กว๊าด มี่ง เญย เฒี่ยง โห่ หล่ง เญย กะน้าย,
เหว่ย หฒุ เมมฟิด อ๋อย หฒุ เป๋น เดา-ฮวาง,
เป๋น ป่าย หว่าย เญย ต๋อง, ไม้ ม่าย เมี่ยน เยียม.
20อียิบ ฮนั้ง เต้า เหฑว่ย ไห่ เญย ง่ง เญ์ย
มป่า ม่าย ป๊ะ ปูง ต้าย เญย ตู์ง-นูง ต้าย หงาด.
21เยียม นิ่น บุด๋ง ธี้ง โหฒว แปง วั้ว เต๋ย
ฮนั้ง ง่ง ตอน-จุ่น.
นิ่น บัว ล่ม ฑ่อย ต๋าว ซิน เปย๋า,
ไม้ เยียม วั้ว เบ๊าะ จ๋า,#46:21 ไฟ โซ้ว เจี๊ยน.
เหว่ย หฒุ นิ่น บัว หฒุ โค้ว เญย ฮนอย เถา อ๊ะ.
เถา เฒี่ยง โห่ ตี่ง นิ่น บัว เญย ฒุ์ย.
22นิ่น ธ้วด บุย เญย เฉีย ฮนั้ง นาง หลุ่ย เจี๊ยน เปย๋า,
เหว่ย หฒุ นิ่น เญย วิน-วั้ง ดุดๆ เญย ต้าย,
นิ่น บัว ต้อ เจี๊ยน โป๊ว ต้าย เบ๊าะ,
ฮนั้ง ก๋อย เดี๋ยง เญย เมี่ยน หล่ง โป๊ว ก๋อย เดี๋ยง นอ.”
23 เฒี้ยว ก๊อง,
“ไม้ กุ๊น อียิบ เญย เดี๋ยง-หล่ม มี่ง ไม้ ทง
วิน-วั้ง ฒู้ง อ๋อย ก๋อย.
เหว่ย หฒุ นิ่น บัว เก้า ธั้ม เจี๋ย จ๊บ-เหญ่ย,
ฒู้ง ซ้าว ไม้ ฮี่ง.
24อียิบ เมี่ยน#46:24 ฮิบลู หว่า ก๊อง อียิบ เญย เซียะ. อ๋อย หฒุ ไญ้,
อ๋อย หฒุ จิว ปุน เยียม ป๊ะ ปูง เมี่ยน เญย ปั์ว-เดี๊ย.”
25เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, “เยีย อ๋อย ตี่ง เทเบด เญย อาโมน เฒี่ยน เหธา ฟาโล เญย ฒุ์ย, หย่า ตี่ง อียิบ เหธา อียิบ เญย เฒี่ยน เหธา นิ่น เญย ฮู่ง เตี๋ย เญย ฒุ์ย, หย่า ตี่ง ฟาโล เหธา เขา นิ่น วั้ว เต๋ย เมี่ยน เญย ฒุ์ย. 26เยีย อ๋อย เฒาะ นิ่น บัว จิว ปุน เยียม ล์อ นิ่น บัว เญย แหม่ง วั้ว เต๋ย เญย ปั์ว-เดี๊ย, เซ จิว ปุน บาบีโลน เญย ฮู่ง, เนบูคัดเน้ดซา, เหธา นิ่น เญย แปง-เปย๊ย เญย ปั์ว-เดี๊ย. ฆะฮ้า อียิบ แอ๋ง ม่าย เมี่ยน เยียม ฮนั้ง ฒิ่น ด่าง วั้ว นอ.” เฒี้ยว ฮนั้ง น้าย ก๊อง.
27“มป่า เยีย เญย โปว, ยาโค้บ อ่า, ไม้ ตู๋ง กั้ม เหฑีย.
อิสะลาเอน อ่า, ไม้ ตู๋ง ต๊าม ไฝ,
เหว่ย หฒุ เยีย อ๋อย เยียม โก เญย ต๋อง เหฌียว เม่ย,#46:27-28 น้าย เต๋ย อี เหยี่ยม ก๊อง เม่ย ฮนั้ง, มป่า เอ๋ย เล์ย เซ เหยียด ฝีง เมี่ยน.
หย่า เหฌียว เม่ย เญย เฒ้ย-ฟุน เยียม นิ่น บัว หฒุ กว๊าด มี่ง เญย ต๋อง ธ้วด ต้าย.
ยาโค้บ ฯฒฯ หฑวน ต้าย แป้ง ออน, เซ้ก เหฑียะ เญย เยียม,
หย่า ไม้ ม่าย หาย เต้า ปุน นิ่น กั้ม เหฑีย.”#เยเลมี 30:10-11
28 เฒี้ยว ก๊อง, “เยีย เญย โปว, ยาโค้บ อ่า, ไม้ ตู๋ง กั้ม เหฑีย,
เหว่ย หฒุ เยีย เหธา เม่ย เยียม.
เยีย อ๋อย ปุน ต้ง เม่ย หฒุ หฒุ่น มี่ง เญย วั้ว เต๋ย กั๊วะ หฒุด เหฑ่ง,
มป่า เยีย ไม้ เหมียด เหฑ่ง เม่ย.
เยีย อ๋อย หฒิว เม่ย บัว หอบ หฒุ ตุ๊ เญย เบ๊าะ หฌาว เม่ย,
เยีย ไม้ เฒ์ย ไม้ ตี่ง เม่ย เญย ฒุ์ย.”
Zur Zeit ausgewählt:
เยเลมี 46: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007