ต้ม เจียน 4
4
เดโบลา เหธา บาล้าก
1เอฮู้ด เกวย เสย ลิ์ว, ฆะฮ้า หฒิว เฒี้ยว หมั่ง, อิสะลาเอน เมี่ยน แอ๋ง โหฒว หว่าย สี่. 2เหว่ย น้าย เฒี้ยว เฒาะ อิสะลาเอน เมี่ยน จิว ปุน เยียม คานาอัน เญย ฮู่ง, ยาบิน เญย ปั์ว-เดี๊ย. ยาบิน เยียม ฮาโซ ฒี่ง กุ๊น. นิ่น เญย ต้ม แปง-เปย๊ย เญย บั๋ว เห่ว สิเสลา. สิเสลา เยียม ฮาโลเซ้ดฮาโกยิม. 3เหว่ย หฒุ ยาบิน ฮู่ง ม่าย จั๊ว แป๊ะ จ๋า เบ๊าะ จ๋า เญย เฮลียะ-ม์า-เธีย หย่า ชะ เหฒย อิสะลาเอน เมี่ยน หญี่ เหฒียบ หฮญัง, อิสะลาเอน เมี่ยน ฯฒฯ เห่ว เจี๊ยน โท้ เฒี้ยว เถง.
4วั้ว หฒั่น ลับปิโดด เญย เอ๊า, บั๋ว เห่ว เดโบลา, โหฒว โต่ว หว่า เมี่ยน, ต้อ อิสะลาเอน เมี่ยน. 5นิ่น เยียม เอฟาอิม บง-ไอ๊ ต๋อง, ลามา เหธา เบดเอน ฒี่ง บุด๋ง, เฒว์ย เจี๊ยน เดโบลา เญย ตาว-เดี๋ยง กะเดี๊ย. อิสะลาเอน เมี่ยน มี่ง วั้ว ล์อ นิ่น เหว่ย ปุน นิ่น ตุ๋น สี่. 6เดโบลา พ้าย เมี่ยน มี่ง นับทาลี เต่ย, เคเดด ฒี่ง, เห่ว อาบีโนอัม เญย ตอน, บาล้าก, ต้าย ฯฒฯ ก๊อง บั๋ว นิ่น, “เฒี้ยว, อิสะลาเอน เญย ทิน-ฮู่ง, พ้าย เม่ย, ‘มี่ง อ๊ะ. ต้อ เหยียด หว่าน เต้า นับทาลี ฝีง เหธา เสบูลุน ฝีง เญย เมี่ยน มี่ง ทาโบ บง. 7เยีย ฒู้ง อ๋อย ปุน ยาบิน ฮู่ง เญย แปง-เปย๊ย, สิเสลา, เลี่ยม นิ่น เบ๊าะ จ๋า เญย ม์า-เธีย เหธา นิ่น เญย จุน-แปง, มี่ง เถา คีโซน ด้าย, หย่า เฒาะ นิ่น จิว ปุน เยียม เม่ย เญย ปั์ว-เดี๊ย.’”
8บาล้าก ก๊อง บั๋ว เดโบลา, “สี ก๊อง เม่ย เหธา เยีย มี่ง, เยีย มี่ง เญย. เม่ย ไม้ เหธา เยีย มี่ง นอ, เยีย ไม้ มี่ง อ๊ะ.”
9เดโบลา ก๊อง, “ตุ๊ เญย. เยีย เหธา เม่ย มี่ง. มป่า เม่ย มี่ง เญย เจ๊า, เม่ย ไม้ ตุ๊ เม่ง เต้า, เหว่ย หฒุ เฒี้ยว อ๋อย เฒาะ สิเสลา จิว ปุน เยียม เต้า มเซียะ ตอน เญย ปั์ว-เดี๊ย.” เดโบลา ฯฒฯ เจี์ย ซิน เหธา เจี๊ยน บาล้าก มี่ง เถา เคเดด ฒี่ง. 10บาล้าก ฯฒฯ เห่ว เสบูลุน เหธา นับทาลี เมี่ยน มี่ง เคเดด. ม่าย เหยียด หว่าน เต้า เมี่ยน กัน นิ่น มี่ง. เดโบลา หย่า เหธา เจี๊ยน มี่ง.
11เคไน เมี่ยน, เฮเบ, เล่ย ฆอย โมเซ เญย เน์า,#4:11 ไฟ อง-ตา. โฮบับ, เญย เฒ้ย-ฟุน, เคไน เมี่ยน, แอ๋ง ธอง นิ่น เญย ด๊บ-ลิ่ว เยียม สานันนิม เต่ย, นิด เคเดด ฒี่ง, เหยียด ติ้ว ต้ม บะอง เฒวย เดี๋ยง กะเฮลน.
12ม่าย เมี่ยน มี่ง บั๋ว สิเสลา, “อาบีโนอัม เญย ตอน, บาล้าก, เถา ทาโบ บง หมี่ อ๊ะ.” 13สิเสลา ฯฒฯ เห่ว ฑ่อย นิ่น เญย จั๊ว แป๊ะ จ๋า เบ๊าะ จ๋า เญย เฮลียะ-ม์า-เธีย, เหธา กัน นิ่น เญย เหยียด ฒู้ง จุน-แปง ต้าย ฒุ้น, ฯฒฯ เยียม ฮาโลเซ้ดฮาโกยิม มี่ง เถา คีโซน ด้าย.
14เดโบลา ฯฒฯ ก๊อง บั๋ว บาล้าก, “มี่ง อ๊ะ, เหว่ย หฒุ อี้ ฮนอย เฒี้ยว เฒาะ สิเสลา จิว ปุน เยียม เม่ย เญย ปั์ว-เดี๊ย. เฒี้ยว มี่ง ด่าง เม่ย.” บาล้าก ฯฒฯ เหฌี่ย ทาโบ บง หย่า ต้อ เจี๊ยน เหยียด หว่าน เต้า เมี่ยน กัน เจี๊ยน นิ่น มี่ง. 15เฒี้ยว โหฒว ปุน สิเสลา เหธา นิ่น เญย เหยียด ฒู้ง เบ๊าะ จ๋า เญย ม์า-เธีย เหธา จุน-แปง หลุ่น เหฑ่ง ฯฒฯ หฒุ บาล้าก เญย หฑุ ด๊าว ไต๋. สิเสลา ฯฒฯ เหฌี่ย เบ๊าะ จ๋า เญย ม์า-เธีย ถิว เปย๋า หมี่ อ๊ะ. 16มป่า บาล้าก หฒุ่น เจี๊ยน เบ๊าะ จ๋า เญย ม์า-เธีย เหธา จุน-แปง มี่ง เถา ฮาโลเซ้ดฮาโกยิม. สิเสลา เญย จุน-แปง หฒุ หฑุ ด๊าว ไต่ เหฑ่ง, ไม้ เหฒ่ง เหยียด เต้า อ๊ะ.
17ขูง ม่าย สิเสลา ถิว เปย๋า เจี๊ยน มี่ง เถา เคไน เมี่ยน, เฮเบ เญย เอ๊า, ยาเอน, เญย ด๊บ-ลิ่ว เหว่ย หฒุ ฮาโซ ฒี่ง เญย ฮู่ง, ยาบิน, เหธา เคไน เมี่ยน เญย เฒ้ย-ฟุน, เฮเบ, โหฒว ต่อย หอบ เญย.
18ยาเอน ฯฒฯ ธ้วด ต้าย ฒิบ สิเสลา. นิ่น ก๊อง, “เยีย เญย เฒี้ยว อ่า, เปียะ ม่าะ! กุ๊น เปียะ ต้าย ม่าะ! ไม้ ตู๋ง กั้ม เหฑีย โอ่.” สิเสลา ฯฒฯ เปียะ ยาเอน เญย ด๊บ-ลิ่ว มี่ง. ยาเอน หย่า เฒาะ สวัง ต้าย เถง นิ่น ห่ม เจี๊ยน.
19สิเสลา ก๊อง บั๋ว ยาเอน, “เยีย จาง ฆ้าด ไห่. โท้ ปุน เต๋ย ววม เยีย ฮบ.” ยาเอน ฯฒฯ คอย หญอ-บัวะ ปุน หญอ สิเสลา ฮบ ลิ์ว, ฯฒฯ เฒาะ สวัง ห่ม เจี๊ยน นิ่น.
20สิเสลา ก๊อง บั๋ว ยาเอน, “โท้ เม่ย โซ้ว เจี๊ยน ด๊บ-ลิ่ว เญย แก้ง ด่าง. สี ก๊อง ม่าย เมี่ยน ต้าย หน่าย เม่ย, ‘ม่าย หาย เต้า ต้าย น้าย ไฟ?’ เม่ย อ๋อย หฒุ ก๊อง, ‘ไม้ ม่าย.’”
21มป่า สิเสลา มฌ่อม ตุ๊ โด ไห่, เหว่ย หฒุ นิ่น โค้ว ไห่. เฮเบ เญย เอ๊า, ยาเอน, เฒาะ นอม ธอง ด๊บ-ลิ่ว เญย ต่ง เหธา เฒว่ย ต้าย เฮงๆ มี่ง เถา สิเสลา เปว๋ย เญย ต๋อง, บอง ต่ง เปียะ สิเสลา เญย มู่ง ไม่ กะเฮลน, บอง ทง เถา กะเดี๊ย เดา. สิเสลา เฒียง หน่าย ไต่ หมี่ อ๊ะ.
22บาล้าก หฒุ่น เจี๊ยน สิเสลา ต้าย เถา วั้ว, ยาเอน ฯฒฯ ธ้วด มี่ง ฒิบ นิ่น หย่า ก๊อง, “เปียะ ม่าะ! เยีย นุ ต้ง เม่ย ล์อ วั้ว เต้า เมี่ยน ปุน เม่ย หมั่ง.” บาล้าก ฯฒฯ เปียะ ด๊บ-ลิ่ว, ปวัด สิเสลา ไต่ หมี่ อ๊ะ, เปว๋ย เจี๊ยน วั้ว ด๊บ-ลิ่ว กะญั์ว. ม่าย ธอง ด๊บ-ลิ่ว เญย ต่ง บอง ทง นิ่น เญย มู่ง ไม่ กะเฮลน.
23วั้ว ฮนอย, ทิน-ฮู่ง, ปุน คานาอัน เญย ฮู่ง, ยาบิน, เยียม อิสะลาเอน เมี่ยน เญย หฑะเฮมียน เซวย. 24อิสะลาเอน เมี่ยน กุ๊น โหฒว กุ๊น เฮ้น, โหฒว ปุน คานาอัน เญย ฮู่ง, ยาบิน, ฒู้ง โหฒว เถา ปุน นิ่น หฒุ เหมียด เหฑ่ง หมี่ อ๊ะ.
Zur Zeit ausgewählt:
ต้ม เจียน 4: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007