ต้ม เจียน 12
12
เย้บทา เหธา เอฟาอิม เมี่ยน
1เอฟาอิม เมี่ยน หลิ่ว เล์ย เบ๊าะ จ๋า. นิ่น บัว เจี๋ย จอแดน ด้าย มี่ง เถา สาโฟน, ต๋อย เย้บทา ก๊อง, “เม่ย เหว่ย หาย ติ่ว เจี๋ย มี่ง เบ๊าะ อัมโมน เมี่ยน หย่า ไม้ เห่ว เยีย บัว เหธา เจี๊ยน เม่ย มี่ง? เยีย บัว อ๋อย หล่ง โต์ว ปั๊ว เม่ย เญย เปย๊า, เลี่ยม เม่ย ปั๊ว.”
2เย้บทา ฯฒฯ เตา นิ่น บัว, “เยีย เหธา เยีย เญย แปะ ฝีง เหธา อัมโมน เมี่ยน เบ๊าะ เจี๊ยน ต้ม จ๋า วั้ว หฒั่น, ไม้ กุ๊น เยีย เห่ว เม่ย บัว, เม่ย บัว หย่า ไม้ ต้าย เหฌียว เยีย เปย๋า ดุ๊ด นิ่น บัว เญย ปั์ว-เดี๊ย. 3เยีย ปวัด เม่ย บัว ไม้ ต้าย เถง เยีย. เยีย ฯฒฯ ไม้ หล่ง แหม่ง เญย เจี๋ย มี่ง เหธา อัมโมน เมี่ยน เบ๊าะ จ๋า. เฒี้ยว หย่า เฒาะ นิ่น บัว จิว ปุน เยียม เยีย เญย ปั์ว-เดี๊ย. อี้ ฮนอย เม่ย บัว เหว่ย หาย ติ่ว ต้าย เยีย น้าย อ๋อย เหธา เยีย เบ๊าะ จ๋า?”
4เย้บทา ฯฒฯ เห่ว กิเลอาด เต่ย เญย หฒวัง เมี่ยน ต้าย ฒุ้น เหธา เอฟาอิม เมี่ยน เบ๊าะ จ๋า. กิเลอาด เมี่ยน ไต๋ เอฟาอิม เมี่ยน, เหว่ย หฒุ เอฟาอิม เมี่ยน ก๊อง “เม่ย บัว กิเลอาด เมี่ยน, เซ เปย๋า ธ้วด เอฟาอิม เมี่ยน เญย เมี่ยน หย่า เยียม เอฟาอิม เมี่ยน เหธา มะนัดเส เมี่ยน เญย บุด๋ง.” 5กิเลอาด เมี่ยน ฯฒฯ มี่ง ธ้าง ตุ๊ เจี๋ย จอแดน ด้าย เญย เหฒีย นอม เจ๊า-โป่ว หย่า ตั๊ง เจี๊ยน ไม้ ปุน เอฟาอิม เมี่ยน เจี๋ย. หาย เต้า เอฟาอิม เมี่ยน เปย๋า เถา วั้ว ก๊อง, “โท้ ปุน เยีย เจี๋ย มี่ง,” กิเลอาด เมี่ยน ฯฒฯ หน่าย, “เม่ย เซ เอฟาอิม เมี่ยน เฒ์ย ไฟ ไม้ เฒ์ย?” สี ก๊อง นิ่น ก๊อง, “ไม้ เฒ์ย,” 6นิ่น บัว บั๋ว นิ่น, “ฮนั้ง หน่าย ก๊อง ก๋า น้าย โจ๋ว หว่า, ‘ชิบโบเล้ด.’” วั้ว เต้า ฯฒฯ ก๊อง, “สิบโบเล้ด.” เหว่ย หฒุ น้าย โจ๋ว หว่า เอฟาอิม เมี่ยน ก๊อง ไม้ จุ้น. นิ่น บัว ฯฒฯ เยียม เจี๋ย จอแดน ด้าย เญย เจ๊า-โป่ว เฒาะ นิ่น ไต๋ กวั่ง. วั้ว เต๋ย เฒี่ยง โห่ เอฟาอิม เมี่ยน หฒุ ไต๋ ไต่ เปยย หว่าน อี ธิน เต้า.
7เย้บทา โหฒว ต้ม เจียน ต้อ อิสะลาเอน เมี่ยน จุ๊ หฮญัง ฯฒฯ เกวย เสย, หฒัง เจี๊ยน กิเลอาด เต่ย-ปูง เญย ฒี่ง.#12:7 น้าย ฟาน ต้าย กัน ฮิบลู หว่า. ม่าย เต๋ย โซว ก๊อง “หฒัง เจี๊ยน นิ่น กั้น เญย ป๊วน-มู้ง”.
อิบซาน, เอโลน เหธา อับโดน
8เย้บทา เกวย เสย ลิ์ว, ฆะฮ้า ม่าย เบดเลเฮม มู้ง เญย เมี่ยน, อิบซาน, โหฒว ต้ม เจียน ต้อ อิสะลาเอน เมี่ยน. 9นิ่น ม่าย ฟ่า เหฒียบ เต้า ตอน หย่า ม่าย ฟ่า เหฒียบ เต้า เซียะ. เซียะ นิ่น ปู๋ง ธ้วด ปุน กั้น ฝีง เมี่ยน หล่ง. นิ่น หย่า ก๊อง ฟ่า เหฒียบ เต้า กั้น ฝีง เมี่ยน เญย เซียะ ต้าย โหฒว บวั์ง. นิ่น โหฒว ต้ม เจียน ต้อ อิสะลาเอน เมี่ยน เสี่ย หฮญัง. 10อิบซาน ฯฒฯ เกวย เสย หมี่ อ๊ะ, หฒัง เจี๊ยน เบดเลเฮม มู้ง.
11อิบซาน เกวย เสย ลิ์ว, ฆะฮ้า ม่าย เสบูลุน เมี่ยน, เอโลน, โหฒว ต้ม เจียน ต้อ อิสะลาเอน เมี่ยน เหฒียบ หฮญัง. 12เสบูลุน เมี่ยน, เอโลน, ฯฒฯ เกวย เสย, หฒัง เจี๊ยน เสบูลุน เมี่ยน เญย เต่ย-ปูง, ไอยาโลน ฒี่ง.
13เอโลน เกวย เสย ลิ์ว, ฆะฮ้า ปิลาโทน เมี่ยน, ฮินเลน เญย ตอน, อับโดน, โหฒว ต้ม เจียน ต้อ อิสะลาเอน เมี่ยน. 14นิ่น ม่าย เฝย เหฒียบ เต้า ตอน, ฟ่า เหฒียบ เต้า ตอน-ฟุน, เก้ เธี้ยด เหฒียบ เต้า ล่อ. อับโดน โหฒว ต้ม เจียน ต้อ อิสะลาเอน เมี่ยน เหฮยียด หฮญัง. 15ปิลาโทน เมี่ยน, ฮินเลน เญย ตอน, อับโดน, เกวย เสย, หฒัง เจี๊ยน เอฟาอิม เต่ย, อามาเล้ก เมี่ยน เญย บง-ไอ๊ ต๋อง, ปิลาโทน ฒี่ง.
Zur Zeit ausgewählt:
ต้ม เจียน 12: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007