1 เทสะโลนิกา 3
3
1โหฒว เกา, ไฮ์ ฒั้ว ไม้ ตุ๊ อ๊ะ, ฯฒฯ ตี่ง เยีย บัว กั้น#3:1 เยีย บัว กั้น ก๊อง หฒุ เปาโล เหธา ซีลา. เป๊ย หมั่ง 1 เทสะโลนิกา 1:1. เยียม อาเทน ฒี่ง ฮนั้ง,#กง-โฒ่ 17:15 2แอ๋ง พ้าย เยีย บัว เญย โย์ว, ทิโมไท, มี่ง เม่ย บัว หน่าย. นิ่น โหฒว ทิน-ฮู่ง เญย กง-เมี่ยน, ฒุ่น กีตู่ เญย คู้ เฝียน, เถง เหลียบ ว้วน เม่ย บัว เญย เสียน ฟิม หย่า นุ์น เม่ย บัว เญย เฮญี้ยว, 3เหว่ย หฒุ ไม้ อ๋อย หาย เต้า หลาย หฒุ เมี่ยน โหฒว โตะ ไฮ่ ถุย โป่ว. เม่ย บัว หย่า ฮิ้ว ตุ๊ บัว หฒุ เมี่ยน โหฒว โตะ เซ จา-ด่าง ตี่ง เหฒียง บัว อ๋อย หฒุ ปวั้ง เญย สี่. 4เยีย บัว หธ่อ เหธา เม่ย บัว เยียม เญย เฒี่ยง โห่, เยีย บัว จา-ด่าง บั๋ว ลิ์ว เม่ย บัว, บัว ฒู้ง อ๋อย หฒุ ปวั้ง เมี่ยน โหฒว โตะ. เม่ย บัว หย่า ฮิ้ว ตุ๊ สี่ หฒะเก้ง ฮนั้ง น้าย นอ ธ้วด ต้าย เฒียน เญย. 5เหว่ย น้าย เยีย ไฮ์ ฒั้ว ไม้ ตุ๊ เก้า เล่า, ฯฒฯ พ้าย ทิโมไท มี่ง เม่ย บัว หน่าย, อ๋อย ฮิ้ว ตุ๊ เม่ย บัว เญย เสียน ฟิม ฮนั้ง หาย นอ. เฑ่า เหย ดั๊ว เมี่ยน วั้ว เต้า ดั๊ว หฒุ เม่ย บัว, เยีย บัว โหฒว เญย กง ฯฒฯ ด๊อด เหฑ่ง หมี่ อ๊ะ.
ทิโมไท ต้อ เฝียน หฑวน
6อี้ หฒั่น ทิโมไท มี่ง เม่ย บัว หน่าย หฑวน ต้าย อ๊ะ. นิ่น ต้อ หลง ไห่ เญย เฝียน ต้าย บั๋ว เยีย บัว เม่ย บัว หธ่อ เสียน หลง, ฮนั้ม เยซู. นิ่น หย่า ก๊อง เม่ย บัว อะเฮน้ย หฒั่นๆ จั๋ง เถา เยีย บัว, อ๋อย ปวัด ไห่ เยีย บัว, ฮนั้ง เยีย บัว อ๋อย ปวัด เม่ย บัว นอ.#กง-โฒ่ 18:5 7ก๋อ-โย์ว อ่า, เยีย บัว ปวั้ง หฒุ ขวน น่าน หย่า หฒุ เสี่ยว โค้ว, มป่า เยีย บัว ไฮ์ ก๊อง เม่ย บัว เสียน หลง, เยีย บัว ฯฒฯ ตุ๊ ออน เฮญี้ยว อ๊ะ. 8เหว่ย หฒุ เม่ย บัว เขา ว้วน เฒี้ยว เยซู, เยีย บัว เญย แหม่ง ฯฒฯ ไฮ์ ฮนั้ง ฟี้ง เจี์ย ต้าย นอ. 9เยีย บัว อ๋อย หฒุ ฮนั้ง หาย นอ เหว่ย เม่ย บัว แล์ง ฒี่ง ทิน-ฮู่ง? เยีย บัว แล์ง ฒี่ง นิ่น เหว่ย หฒุ เม่ย บัว ปุน เยีย บัว ตุ๊ เยียม นิ่น เญย หฑะเฮมียน ออน-เหลาะ ไห่. 10เยีย บัว ฮนอยๆ ม์วนๆ ชะ โท้ ทิน-ฮู่ง ปุน เยีย บัว แอ๋ง ตุ๊ ปวัด เม่ย บัว เญย เฮมียน. เม่ย บัว เญย เสียน ฟิม ธา หฒุ หาย หญู่ง เยีย บัว ฯฒฯ ไฮ่ ทิบ ปุน เม่ย บัว.
11โท้ บัว เญย หฒั่ง เตี๋ย ทิน-ฮู่ง หย่า โท้ บัว เญย เฒี้ยว เยซู คอย เจ๊า ปุน เยีย บัว ไฮ่ มี่ง เถา เม่ย บัว หน่าย. 12หย่า โท้ เฒี้ยว เยซู ปุน เม่ย บัว ล่าน ฮนั้ม ล่าน หย่า ฮนั้ม หฒวัง เมี่ยน ธั้ม เจี๊ยน ฝาว, ฮนั้ง เยีย บัว ฮนั้ม เม่ย บัว วั้ว นอ. 13โท้ นิ่น เหลียบ ว้วน เม่ย บัว เญย เฮญี้ยว, ฒั้ว เฒี้ยว เยซู เหธา เหยียด ฒู้ง เป๋น นิ่น เญย เมี่ยน วั้ว เต๋ย แอ๋ง ต้าย วั้ว หฒั่น, เม่ย บัว ฯฒฯ ไฮ่ เยียม บัว เญย หฒั่ง เตี๋ย ทิน-ฮู่ง เญย หฑะเฮมียน ธีง-เหฑ่ง, ไม้ ลั่ม เฆ่ม ต๋อง.
Zur Zeit ausgewählt:
1 เทสะโลนิกา 3: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007