Забур 129

129

ЧӀехи кӀеве гьатайла ийидай дуьа

1Зиярат ийидайла лугьудай мани.

За дериндай минетзава

ваз, Ребби!

2Зи ван ша, Агъа;

зи дад-бидадриз ахъа хьурай япар ви.

3Вуна, я Ребби,

кьазвайтӀа гунагьрин гьисаб,

нивай кӀвачел акъваз жедай, я Агъа?

4Амма Вав гва гъил къахчун,

Вакай кичӀе хьун патал.

5Вилив хуьзва Ребби за,

вилив хуьзва рикӀе зи,

Адан гафуник кутазва умуд.

6За Агъа вилив хуьзва,

къаравулри пакама

вилив хуьнилайни гзаф,

эхь, къаравулри пакама

вилив хуьнилайни гзаф.

7Реббидик Исраилди умуд кутурай,

куьз лагьайтӀа Реббидив регьим гва,

хиласвални акьалтӀай

Гьадав гва.

8Ада Исраил хилас ийида

адан вири гунагьрикай.

Zur Zeit ausgewählt:

Забур 129: ЛезПК

Markierung

Kopieren

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Beliebte Verse in
Забур 129