Забур 125
125
Реббиди есирар азад авун
1Зиярат ийидайла лугьудай мани.
Реббиди Сигьандиз шад йикъар хгайла,
чун авай ахварик квайбур хьиз.
2А чӀавуз чи сивер хъуьруьнрив,
манийрив ацӀанвай.
А чӀавуз лагьана вири халкьари:
«ЧӀехи крар авуна ибур патал Реббиди».
3ЧӀехи крар авуна чун паталди Реббиди,
чун чпелди шад тир крар.
4Чи шад йикъар кьулухъ хкваш, я Ребби,
цив ахцӀурай Негев кьурумдин вацӀар хьиз.
5Вилел нагъв алаз тум цазвайбуру
гвен гуьда шадвилин гьараяр ийиз.
6Тумар авай чанта кьуна
шехьиз-шехьиз физвайди,
шадвилелди гьарайиз хкведа
вичин цуьлер гваз.
Zur Zeit ausgewählt:
Забур 125: ЛезПК
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2010-2024