Balooma Kwanjula
Kwanjula
Mukwenda Paulo niiye akahandiika bbaluwa eni. Akaghihandiikila Baki̱li̱si̱taayo abaabaagha baakaaye mu kibugha kya Looma. Aabbalagha kubasoboolola butumuwa obu aatebi̱i̱je mu bi̱i̱kalo binji. Aasoboolola ati Makulu Ghasemeeye haa Yesu ghooleki̱ye ngoku Luhanga akubalagha bantu kuba bahi̱ki̱li̱i̱ye mu maaso ghe kusighikila haa ku̱hi̱ki̱li̱ja Yesu kwabo. Ooleka Bayu̱daaya Baki̱li̱si̱taayo ngu butumuwa buni bukaba dhee buli mu Ndaghaano Nkulu. Ooleka batali Bayu̱daaya ngoku bakubafookagha ki̱twi̱ke kya bantu baa Luhanga. Aasoboolola ngu Luhanga akamala kutufoola bahi̱ki̱li̱i̱ye mu maaso ghe.
Nahabweki tatukyatodha kulengʼo kukola ebi̱mu̱dheedhi̱ye ntu̱koleesi̱ya maani̱ ghaatu kukola ebi bilaghilo bilaghiiye. Nahabweki, ntwaleki̱ye Mwoyo Ahi̱ki̱li̱i̱ye aakala mu bwomi̱i̱li̱ bwatu, tukuukala mu mulingo Luhanga akubbalagha ati tuukalemu.
Paulo abu̱ghi̱ye munu naahanuulila haa mulingo ghwa muntu akuukalamu nga Mu̱ki̱li̱si̱taayo (nsuula 12—15). Abu̱ghi̱yʼo dhee kukunda bantu banji, otaayemu na abakutuhakani̱ya, kandi na ku̱hu̱ti̱ya balemi̱ baatu. Haakumaliilila, aalamu̱ki̱ya baabhootu̱ siye abali Looma naabaku̱mi̱ya mu mali̱i̱na (nsuula 16).
Zur Zeit ausgewählt:
Balooma Kwanjula: TLJ
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© (Active) Wycliffe Bible Translators, Inc. All rights reserved.