KANTHOUNA Tlou Youthut
Tlou Youthut
Maye thimi: Moses
Mayenei kum: Christa pukbong kum lishing khatle macha-phali'le somnga'rouweini kum lishing khatle macha-phali'le chipbei rilla mayekhou.
Tlou rchangh: Youkanthouna.
Kanthouna touri ‘Tlaipang Youkanthouna’ touya kyun. Lailik arou Tlaipang kanthounei wari, tlaipang thimi waiyounei, tlaipang thimini borhra dawurnei, tlaipangei klah-mrim nangurnei, heirou koutoubi Dunpune tlaipang thimi'le mrie leirilnei warikhi mayelei.
Lailik aya lhangtang khintam thukni khaithutlei. (1) Bom 1-11 rapbei rilla Tlaipang sheemkanthounei heirou tlaipang thimi paalkanthounei warirap yaolei. Heirou Adamle Evebei wari, Cain'le Abelyei wari, Noah heirou aiyei chaanrou yuitangni dumwurnei wari, heirou Babelyei Shangkai tang heiyei ngammei wari rapkhi mayebi leilei.
(2) Bom 12-50 rapbei rilla Israel rapbei patar rapbei chaanlamyei wari rapya mayelei. Lamkrini Abrahamei wari, aiyei uklumnei ngam, heirou Dunpuei bomra aiyei malungam'knaei lhou rapya mayelei. Heitoubi aiyei chanapawa Isaac, heirou aiyei yu Jacobei warirap, heirou Jacobei chanaorap napung chiple khniyei wari (yai'rouwei Israellei phunghlim chiple khni yenwaiyou). Heirou yai teinao rapbei hangrei lilkhoini Josephbei ngam, heirou aiyei ngamrou Jacoble aiyei chanao rapbei bommairap namyerya Egyptra yupaalyernei wari rapkhi mayelei.
Lailik arou tlaipang thimiyei wariya kyunthil nimakni Dunpune tlaipangpalra kou toupikuro tounei ngam rapya lamkrini mayelei. Dunpune tlaipangpalya sheemkanthoubi, heirou Aiyei malungshi-kringpi kheiya mutpinei ngamya lailik heiyei hungdongnara mayelei. Lailik arou lilkhoi tloubom khatkhi yaolei touri Dunpuei picharra tlaipangpalra lhangaimak lhoutou thimi rapya klah dayernei ngamkhi mayekhoulei. Dunpune khalthutbi Israel rapya tlaipangei chaanlamra shaknai lim khat khoini mutpikur. Anaksi bongei loumayewurkhou lailik arou thimi rapne Dunpura yaiyei uklum heiri malungamna kya chutmakei tloubom khatme toubine mutpilei.
Rillei Kyaorap:
Tlaipangpalya heirou tlaipang thimiya sheempi 1.1-2.25.
Borh Lhou heirou klah-mrim waiyouna 3.1-24. Adamyei chaan'rouweini Noahyei chaanbil 4.1-5.32.
Noahyei chaan heirou yuitang 6.1-10.32.
Babel Shangkai-Cheemtang 11.1-9.
Shemyei chaan'rouweini Abrahamei chaanbil 11.10-32.
Patar'tangrap: Abraham, Isaac, heirou Jacob 12.1-35.29.
Esauwei Yu-charap 36.1-43.
Joseph'le aiyei teinaorap 37.1-45.28.
Israel rapne Egyptra paalkhounei 46.1-50.26.
Zur Zeit ausgewählt:
KANTHOUNA Tlou Youthut: MARIBSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.