Mathae BOTOLO
BOTOLO
Mathae olakʼ bhage sombat puthite do Mare Niạm sãote Nawa Niạm reakʼ jopoṛao hoeakana. Puthi reakʼ etohopʼrege lại sodor akana je, Jisu raj do Dạud ar Abraham bõsren hoṛe tahẽkana. Olokʼicʼ do Jisuge Mạsi kanae menteye sodor akadea, metakʼme one okoe Khrisṭ lạgitʼ Israelko doko ńel hohorkan tahẽkan. Ar nui Mạsige Dạud rajakʼ siṅghạson reakʼ hok ạidạri do tahẽkantaea. Mathae do Jisuakʼ jion reaṅ onako kathageye ol akada, one okaṭakʼte Jisu do Mạsi menteye sạbudakade. Ona chaḍa Jisu do Isorakʼ ạn-ạriren maraṅ Guru ar uniakʼ rajosṭi reaṅ mitʼṭen cecetʼicʼ mente hõe udukʼedekana. Mathae olakʼ bhage sombat reakʼ mucạtʼ hạṭińkore Jisuakʼ bicạr, gujukʼ, topa, jiwetʼ beredokʼ ar sermate rakabokʼ reaṅ kathako ńamokʼkana. Mark, Luk ar Johan olakʼ bhage sombat puthiko khon Mathae olakʼ puthire Jisuakʼ adom adom cecetʼakʼko do arhõ purạte ol akana. Onako modre mitʼṭen do, Jisu burureye cetʼ akokan (5-7 hạṭiń). Ar Probhuakʼ koejoṅ okaṭakʼ do Mathae olakʼ bhage sombat puthire ńamokʼkan ona do teheń hạbicʼ ḍher isạikoge akoakʼ koejoṅreko beoharetʼkana (6:9-13 kạli)
Khaṭote Guṭtetʼ:
(1) Mạsiakʼ bõsbudạ ar uniakʼ janam (1-2 hạṭiń)
(2) Bạbạptisicʼ Johanakʼ porcar kạmi (3:1-12 kạli)
(3) Jisuakʼ bạptisma ar kạire ńurhạye reaṅ (3:13—4:11 kạli)
(4) Gạlilre Jisuakʼ kạmiko (4:12—18:35 kạli)
(5) Gạlil khon Jisuakʼ Jerusalemte calakʼ (19:1—20:34 kạli)
(6) Jerusalem sor ar bhitrire Jisuakʼ mucạtʼ haptako (21:1—27:66 kạli)
(7) Jisuakʼ Jiwetʼ beredokʼ ar sodorokʼ reaṅ (28 hạṭiń)
Zur Zeit ausgewählt:
Mathae BOTOLO: SCLNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Santali Common Language New Testament © Bangladesh Bible Society, 2012.