Matayo 3
3
Yoana Mubatizi nu Mulimo Wage.
Mk. 1:3-8; Lk. 3:2-17; Yoana 1:6-8, 19-28.
1Mu bindi bibio Yoana Mubatizi abasile, asambalide bantu mu kalula ka Yudaya bune, 2Iyaniazi; kubuno bukota bua meigulu buse buigi. 3Kubuno wozo watendagua na mulengania Yesaya bune,
Iyuki lia muntu likulalukaga mu kalula bune,
Kungazi nzila za Mukota,
Isiazi matingilo mage. #Dutelenome 8:3.
4Nuwe Yoana abezaga na nsulu za mioza za ngamia, nu mukoma wa kikoba mu kibunda kiage; nu idia liage liabezaga nzige nu buki bua mulubanda. 5Nu bamuendeide bansania ba Yelusalema, nu ba Yudaya, nu bansania ba ndenge insania za buigi na Yadene; 6nu babatizizibue nage mu luuzi lua Yadene, beigongaga misako za buagi buabo. 7Aba gamonine ku baFalese beingi nu Basadoke bavule kubatizibua nage, ababuide bune, Inyue kikanga kia mpoma, nazi wamutendile buno, mutine bongoa bukavua? 8Kolamazi biguma biatananina kuiyania: 9nu tamukengele mubenyene bune, Tuli na tateisue Abalahama; kubuno nikumutenda bune, Kalaga anavuama kubasizia Abalahama bana mu makozi mamano. 10Nu kano kaluma isaga liabikua gansi na miti: nu muti na muti utakolama biguma bisoga nti wasesue, nu nti weisoa mu keiya. 11Lebelebe nkumubatizia na mazi ku kabamba ka kuiyania: tondo we ukavua kumbusa kuane antinga, nsiatananina kueka bisalapata biage: wozo akamubatizia na Muuza Wasililila nu na keiya: 12lueli luage luli mu kuboko kuage, nuwe akengia mulungu wage nunse, nuwe akakundamania mumpunge wage mu kigenge kiage, tondo akagisia mpepa mu keiya katakuzimaga.
Yesu Ekubatizibua.
Mk. 1:9-11; Lk. 3:21, 22.
13Gatukile Yesu ku Galela, avule ku luuzi lua Yadene ku Yoana, buno abatizibue nage. 14Tondo Yoana ananine, atendile bune, Nne nikuiyanina kubatizibua nobe, tondo wavua kundi? 15Tondo Yesu amuakuide bune, Ziga tugu bubo: kubuno bubo buatutananina kuzindilizia kuisanana kunsania. Nu amuzigile. 16Gamubatizizie, kazanga kongo Yesu atukile mu mazi: nu kazanga kongo meigulu mamulimbukide, nu amonine ku Muuza wa Kalaga ekukumba anga nkulimba, nu amugelede; 17nu kazanga kongo, iyuki liatukile mu meigulu, liatendile bune, Wono eli Muana wane, u Ngoli zane, nakomana nage.
Zur Zeit ausgewählt:
Matayo 3: NTKI57
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Nouveau Testament en Kilega © Bible Society of the Democratic Republic of Congo, 1957.