Silib 7
7
7Naay nan kinwanin Solomon. “Gapo tay getkek ay apedak ipogaw kayman daket ninlowalo et naagtanak is panakaawat. Dat omali nan ispiriton di silib ken sak-en. 8Am-ammed nan nangbanolak isnan silib mo nan kabaelan nan ali. Maid silbin di kinabaknang no maidilig isnan silib. 9Adi makaiso nan ninkangingina ay bato no panggep is banolna. No idilig nan silib et nan am-in ay balitok isnan batawa et kaneg sinkasapodot ay lagan et kedeng ya nan palata et kaneg aped pitak. 10Laylaydek nan silib mo nan gomagawisan di awak ya nan kinabegew. Nan silib et sisisilawana nan nemnem isonga laylaydek nan silib mo nan am-in.
11Isnan inmaliyan nan silib ken sak-en et nanakkey am-in ay gawis. Inagtana pay sak-en is adi kabilang ay kinabaknang. 12Am-in dana et men-gasingak tay inyalin nan silib daida. Egayko getgetken ay nan kinasilib nan nagapowan am-in datona. 13Inpasnekko ay nin-adal isnan maipanggep nan silib et id wani men-gasingak ay mang-ibingay isnan inadalko. 14Maid makaamin isnan gawis ay ited di silib. Isonga osalenyo nan naayda ay gawis ta menbalin kayo ay gayyem Apo Dios tay aboloyana nan sinoloyo isnan kinasilib.”
Manakabalin Nan apo
12:13, 16-19
Zur Zeit ausgewählt:
Silib 7: xnn
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.