NAHUM 1
1
1Nineve dünkheak müchityu. Elkoshrü Nahum michih hüm.
Nineve azhihde Atungpuh Bukakhiukkhi
2Mükthsükhi tüsho royimkhi Thrünpuh ju Atungpuh ah,
royimpü tüsho mulong zhipzhip ju Atungpuh ah;
Atungpuhnü api azhihrü kheak royimchoh tüsho api riribo azhihde bukakhiukchoh.
3 Atungpuhnü arünnü bukakhiukchoh tüshe wu ching ato,
tüsho Atungpuhnü küdüdüshe amülimrü
müthsümüchidüa mülachoh.
Api limro ju chinthrüm tüsho tsüngpungtsüngpung ching lah,
tüsho amobo ju api jing yo asungthulung ah.
4Apinü keto thürühchoh tüsho ngahshihchoh,
tüsho apinü ayungbo alala ngahshihchoh;
Bashan tüsho Karmel mukuhabahchoh tüsho Lebanon pungkhi yiuhabahchoh.
5Api miki müzüngbo niukchoh tüsho awungbo niuchoh;
api miki alomi, alomiküp tüsho ju ching larü alala ajanchoh.
6Api bukakhiukkhi müngüh shenü azhipkhukpü?
Api bukakhiukkhi atak shenü arümkhukpü?
Api mulong zhipzhip ju mo nangde dungkhitchoh,
tüsho api hode lungtobo adütre kamde yihnakchoh.
7 Atungpuh tsülah,
küpkhuk nimung ching chipi khülang lah;
api kheak tsoyukrü apinü kümchoh.
8Tüshe azündokhi kekingnü apinü api azhihrü shahde akheamshihbah,
tüsho apinü api riribo amiting ching yanyukbah.
9Tümüde nünü Atungpuh azhihcho?
Apinü akheam thsüshihbah;
azhihrü sheshe mahne kipü masürü.
10Arübo ayangbo nangde thrukrama lah,
amüshangrü nangde arübo müshanga lah;
arübo amukuh sünit nangde aniua lah.
11Nü kheaknü rük amütsü thsüde Atungpuh azhihrü wukhiukdo. 12Atungpuhnü ha thachoh, “Arübo sühmüh lakhi tüsho hih-a lalashe, arü athsümünimbah tüsho adükheakbah. Inü nü thsümüchia lalashe, inü kheaküa nü müthsümüchi. 13Tüsho kheaküa inü api sangkaplak nü kheaknü ayihshakbah tüsho nü rhükkhi wuhrünliu yihshakbah.”
14 Atungpuhnü nü dünkheak thiyukhüm jihdo: “ Nü mung lapü thsüde tsühsoniusobo müla; nü thrünpuhbo yam chingnü inü nü sangthsübo thsümünimjihbah. Inü nü kiuyuk thsübah, tümüde nü amo mülakhi lah.” 15Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.
Zur Zeit ausgewählt:
NAHUM 1: YIMCBSI
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
NAHUM 1
1
1Nineve dünkheak müchityu. Elkoshrü Nahum michih hüm.
Nineve azhihde Atungpuh Bukakhiukkhi
2Mükthsükhi tüsho royimkhi Thrünpuh ju Atungpuh ah,
royimpü tüsho mulong zhipzhip ju Atungpuh ah;
Atungpuhnü api azhihrü kheak royimchoh tüsho api riribo azhihde bukakhiukchoh.
3 Atungpuhnü arünnü bukakhiukchoh tüshe wu ching ato,
tüsho Atungpuhnü küdüdüshe amülimrü
müthsümüchidüa mülachoh.
Api limro ju chinthrüm tüsho tsüngpungtsüngpung ching lah,
tüsho amobo ju api jing yo asungthulung ah.
4Apinü keto thürühchoh tüsho ngahshihchoh,
tüsho apinü ayungbo alala ngahshihchoh;
Bashan tüsho Karmel mukuhabahchoh tüsho Lebanon pungkhi yiuhabahchoh.
5Api miki müzüngbo niukchoh tüsho awungbo niuchoh;
api miki alomi, alomiküp tüsho ju ching larü alala ajanchoh.
6Api bukakhiukkhi müngüh shenü azhipkhukpü?
Api bukakhiukkhi atak shenü arümkhukpü?
Api mulong zhipzhip ju mo nangde dungkhitchoh,
tüsho api hode lungtobo adütre kamde yihnakchoh.
7 Atungpuh tsülah,
küpkhuk nimung ching chipi khülang lah;
api kheak tsoyukrü apinü kümchoh.
8Tüshe azündokhi kekingnü apinü api azhihrü shahde akheamshihbah,
tüsho apinü api riribo amiting ching yanyukbah.
9Tümüde nünü Atungpuh azhihcho?
Apinü akheam thsüshihbah;
azhihrü sheshe mahne kipü masürü.
10Arübo ayangbo nangde thrukrama lah,
amüshangrü nangde arübo müshanga lah;
arübo amukuh sünit nangde aniua lah.
11Nü kheaknü rük amütsü thsüde Atungpuh azhihrü wukhiukdo. 12Atungpuhnü ha thachoh, “Arübo sühmüh lakhi tüsho hih-a lalashe, arü athsümünimbah tüsho adükheakbah. Inü nü thsümüchia lalashe, inü kheaküa nü müthsümüchi. 13Tüsho kheaküa inü api sangkaplak nü kheaknü ayihshakbah tüsho nü rhükkhi wuhrünliu yihshakbah.”
14 Atungpuhnü nü dünkheak thiyukhüm jihdo: “ Nü mung lapü thsüde tsühsoniusobo müla; nü thrünpuhbo yam chingnü inü nü sangthsübo thsümünimjihbah. Inü nü kiuyuk thsübah, tümüde nü amo mülakhi lah.” 15Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.