HOSEA 8
8
Sangthsü Kingaünkhi
1Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo. 2Israelnü I ki zhichoh, “ I Thrünpuh, isa Israelnü nü mükheahlah!” 3Israelnü atsü bahyukdo; thiririnü api müshambah.
4Arünü kiulongthsürübo modo, tüshe I hode yung; arünü yakzanshuhrü modo, tüshe inü mükheahde yung. Arünü arü nihbuh thsümünimpü shotoyinchi tüsho sunanü sangthsübo thsüdo. 5Nü moshinunusangthsü bahang, O Samaria! Arü kheak I bukakhiukchoh. Külokhüh arü mütsangkhitde alaba? 6Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.
7Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah. 8Israel a muyuabah-a lah; kheakü arü akeangkeang kukruk nangde trükshih bolung lah. 9Tümüde arünü mütüm donki alangzü tsahkhi nangde Asiria lim wutudo; Ephraimnü amuzhorü mulodo. 10Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.
11Ephraimnü neak kingaün thsungkheak kingaün sadam ahihdo thsüthsü she, harübo api ki neak yihbeakpung kingaün sadambo kamdo. 12Inü arü thsungkheak I yakzan ahihdo thrütjihdo, tüshe arünü jurübo tümükhüh jakso nangde khejihchoh. 13Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah. 14Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.
Zur Zeit ausgewählt:
HOSEA 8: YIMCBSI
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.