Beliebte Verse in Matayo 7

Teilen

Amukumbile, mulapegwa, Amuyandaule, mulajana. Amukonkomone, mulajulilwa.

Nkaambo umwi aumwi uukumbila ulatambula, alakwe uuyandaula ulajana, alakwe uukonkomona ulajulilwa.

Nkaambo kaako umwi aumwi, uuswiilila majwi aangu aya akwaacita uzookozyanisigwa amuntu uucenjede iwakayaka iŋanda yakwe atala amwala.

Nkaambo kaako zintu zyoonse zili buti nzimuyanda kuti bantu bamucitile, anywebo amubacitile nzizyonya, nkaambo mbuboobo mbuuamba Mulao abasinsimi.

Mulyango uumanikide anzila iipatide njiitola kubuumi, nkabela abo biijana mbace.

Amunjile mumulyango uumanikide, nkaambo mulyango uukwazeme anzila impati njiitola kukunyonyooka, nkabela abo banjila mulinjiyo mbanjibanji.

Lino mbuli mbumuzi kupa bana banu zintu zibotu, inywe nubabi, alakwe Usowanu uuli kujulu sa tazooindi loko kupa zintu zibotu kulibaabo bamukumbila?

Mutabeteki, kuti mutabetekwi anywebo, nkaambo kakuti lubeta ndumubetesya bamwi anywebo mulabetesegwa ndulonya olo, aceelesyo ncimweelesya bamwi anywebo muleelesegwa nciconya eco

Pele umwi aumwi uuswiilila majwi aangu aya akutaacita uzookozyanisigwa amuntu mufubafuba iwakayaka iŋanda yakwe amuse

Alimwi, nkaambonzi ulalangilila kapapu kali muliso lyamunyoko, nekubaboobo toyeeyi itanda lili muliso lyako numwini? Ino ulaambila buti munyoko kuti, Nkufule kapapu kali muliso lyako, anukuti mulili itanda muliso lyako numwini?

Amucenjele basinsimi babeji beza kulindinywe basamide zyakusama zyambelele, anukuti mukati lyabo mbaumpe babutambo. Micelo yabo njiiti muzibye mbubabede. Sa kulacelwa misaansa kumuunga niziba inkuyu kumutubetube?

Mbubonya obo musamu umwi aumwi mubotu ulazyala micelo mibotu, alimwi musamu uusampukide ulazyala micelo mibi.

Musamu mubotu tuukonzyi kuzyala micelo mibi, alimwi musamu uusampukide tuukonzyi kuzyala micelo mibotu.

Musamu umwi aumwi uutazyali micelo mibotu ulatemwa akusowelwa mumulilo.