Beliebte Verse in Mahte 7

Teilen

Dung keq, haû jáng, núngmòq lé byi râ nghut lhê; hô keq, haû jáng, núngmòq myàng kôrâ nghut lhê; hkum má kòk keq, haû jáng, núngmòq lé hpóng byi râ nghut lhê.

Hkâsu mù gâ le, ó yùq nghut kôle, dung sû wó râ; hô sû myàng râ; hkum kòk sû lé gi, hpóng byi râ nghut lhê.

Haû mù, Ngá é dang shí pé lé wó gyô yù luî, châng kut é sû gi, hpàqchyî bò mù, lunghtân htoq má, yhûm saî é sû eq wuí nyi ri.

Haû mù, hai hkyô má nghut kôlhang, núngmòq gi, yhûmsîng ô nau é dông supé lé kut nhâng nau é su, yhángmòq lé le kut byi keq. Haî mù gâ le, haû gi, jep é târâ eq myìqhtoî pê é dang lo jùp tô é nghut ri.

Chyap é hkúmdong eq hkyô zo kúm gi, chyungxe duì hkyô shut shuî e é nghut mù luî, haú lé myang ho é bang gi, shaû akô nghut ri.

Chyap é hkúmdong mai wàng keq. Hkâsu mù gâ le, lam é hkúmdong eq hkyô mó gi, htên byòq hkyô shut shuî e é nghut mù luî, haú dông wàng bang gi, myô akô nghut ri.

Agè ashop é bang núngmòq lháng gi, núngmòq é zo wuî lé, ge é chyûnghuq dàt byi kô le nhîng, mauhkûng htoq tsáng myhâng mâ é núngmòq é Îwa gi, Yhang lé dûng é bang lé, je riyhang ge é chyûnghuq byi râ nghut lhê!

Núngmòq jéyáng é a hui kó sháng gàq, ó lé le, hkâ jéyáng kó. Hkâsu mù gâ le, núngmòq jéyáng é su, núngmòq le, jéyáng é hui kôrâ nghut é htoq agó, núngmòq lìk byî é bung èq, núngmòq lé dum lìk byi râ nghut lhê.

Nghut kôlhang, Ngá é dang lé, wó gyô yù mù, a cháng sû gi, se-muî jàng má, yhûm saî é byù ngòk eq wuí nyî râ nghut lhê.

Yhûmsing myòq hkaû má lúng tô é siktúm lé lháng a myìt wú é nhîng, haî mù luî, nunggu nungmâng é myòqwàng lé myang lhê lhú? Yhûmsing é myòq má siktúm lhûng to luî nhîng, ‘Náng myòq má lúng tô é myòqwàng lé, ngò choq pyám byi lé.’ nghû luî, náng é gu-mang hpó lé hkâsu wó taí râ lhú?

Núngmòq chyáng jé lé lo é myìqhtoi pyoq pé lé, sidìq nyì keq; yhángmòq gi, saukuq wùt mù, núngmòq chyáng jé lé kôlhang, myàq zo myàq shuq nau é wàmhkuî pé nghut akô. Yhángmòq é múzó jizó lé wú mù, núngmòq gi, yhángmòq lé wú sé kôrâ nghut lhê. Zubyap mai tsibyiq shi, zugâm mai hkohúm-shi wó yu wú akô lhú?

Ge é agàm gi, ge é ashi zui mù, a ge é agàm gi, a ge é ashi za dàt zuî ri.

Ge é agàm gi, a ge é ashi a wó zui, a ge é agàm le, ge é ashi a wó zui nghut ri.

Ge é ashi a zuî é shigâm hkangmó lé gi, htuq pyám mù, myi má dú kat pyám râ nghut lhê.