Beliebte Verse in Matiyu, echî 24

Teilen

Obhí tîk ó jábhe ngûm a mân. Ka obhô mbí, ane etî-etî, okot ábho tîk ó kpô ayép. Kən kpe énê nnyo á kəp ḿbə́ŋé ta ntə̂m a sî, tîk a sêm.

Tîk á sə́re otîp ogyebhá-ḿbə́ŋé otúi Obhasi ka ngun ndə́m. Ńji é kí gyimi noŋ ntî-isê ka nték i ngun chénchén. Ebhú á jeghé otîp mbí esə́rə́m, tîk ngun a mân, mân.”

Tîk o yûk ên agûn enok noŋ á kí gbo, o yûk ên esə́re enok nji é kə́ bha mbá-ochî. Ó yuk ên iyîm mbí, deê efup é kâ yîm ên. Iyîm mbí í fóne ka efábhám, kən é ká fap sê nâ ntə̂m a sî.

Nték tîk á nôk na atem, atúi á nôk na atem atúi. Njaé tîk a bhə̂t ka ngun. Ngun tîk a kə̂t a nyiŋá onyiŋí ka ngûm ka ngûm. Iyîm mbí chénchén í rî noŋ eróghá-ndə́p ojî mbi ó kí nok nne-nkáé.

Ósô na nsi tîk í chîŋ, kən ejámé nji ń chot ka nnyo, é bhó chiŋ bhúghí-bhúghí.”

Ka nan? Ane etî-etî tîk á bhak ka mbiŋ amé sê ábho a ri Krayis, nne nnyo Obhasi a túmi se a bhá yim ngun á sém. Tîk á ríri ane etî-etî.

“Tîk á fî ên á káre sê á kpə́re, na sê á yúi ên. Nték i ngun chénchén tîk á bhân ên ka obhô obhámé. Etʉ̂ ên etî-etî tîk ó ro kí ḿbə́ŋé na Obhasi. Tîk o gyê ên atem eríghím, o bhaná ên atem. Ane etî-etî tîk á fâp sê ábho a ri akará-otîp Obhasi kən cháŋ. Tîk á yôp ane etî-etî.

Jisos a táme ábho se, “Kô ên ebhú, nne a kâ ríri ên.

Deê fə́ne ó gyími ên ibhábhé, ka Mmon-i-ntem-nne tîk a bhák ka ebhú nji kpe echî ó ka kí ên sê tîk a bhák.”

Joê ên mân ka ibhábhé, ka ó ka məŋé ên ofú mbi Ntûfâm owəné a kə́ bha.

“Kən kpe nne yót á ka məŋé ofú nchane na áwa mma achot mmá á kí fap. Kpe baénjel ka ósô, á ká məŋé. Kpe Mmon owe á ka məŋé, é ká chiŋi Obhasi Ńsé átíŋ.

Echî aŋ? Tîk ane áfúbhí á bhak mba á kí səre sê Obhasi nâ a túmi ábho se a bhá yim ngun á sém. Tîk mba tat á bhak mba á kí səre sê ábho a ri akará-otîp Obhasi. Ntʉ́ghi ane mbá tîk á tóŋe biriŋ, á yîm ntûm okpógha-biji sê á nôk á ríri ane mba Obhasi a sáŋe, kən chichi.

Ebháám Mmon-i-ntem-nne é kí joé noŋ achot mma á fábhe ka ebhú Nowa. Tîk é jóe noŋ ebhú ayép á móbhe ngun. Ane á rî á dik á wok, mba bibháé, á kok, ta Nowa a gbê njû ka okpi obhê a gyê ka etím. Kpe nne nnyo a kíi echî a məŋé nji é fábha cháŋ, ta ayép á móbhe ngûm, á kə̂n ábho á sê. Nâ noŋ é kí joé fə́ne ka ebhú Mmon-i-ntem-nne a kə́ bha.