Beliebte Verse in Mateo 7

Teilen

“Lombeni, co mukatambula, seteleni, co mukawana, toteni, co vakamishokolwela.

Omwo woshe alomba atambula, co woshe asetela awana, co woshe atota vakamushokolwela.

“Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

“Ngecivene, vyuma vyoshe vimushaka ngeci vakweni vamilingilevyo, mukemwo vene, neni lalo valingilenivyo, omwo awa akewo majwi a Lishiko lya Mosesa na vilongesa vya vaka-kwimanena.

Omwo cikolo cacindondo na ngila yakulishwata viya ku mwonyo, co vaje vaiwana vanapu vavandondo.

“Koveleni mu cikolo cacindondo, omwo cikolo cakama na ngila yakujanjavala viya kukunyongesa, co vavangi valinakuyamo.

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

“Kesi muhise vakweni, kutewa neni Njambi akamihisa. Omwo na cihiso cije vene muhisa naco vakweni, cikeco lalo akamihisa naco Njambi, co seteko ije museteka nayo vakweni, ikeyo lalo yakamiseteka nayo Njambi.

“Oloni woshe aziva majwi ange awa, co kawononoka, co napu ngwe munalume uje wakweva watungilile njuvo yendi a lishen̄avu.

Omwo vikajo umona kacishoni kali a lisho lya mukweni, oloni kuuyongola mukambo uli mu lisho lyove? Nambe vatijo wendeka na mukweni ngwove, ‘Tewa njikutundise kacishoni kali a lisho lyove,’ omo yove uli na mukambo mu lisho lyove?

“Nyanyameni na vaka-kwimanena va makuli, vaje vaija kuli yeni vanalikongomeka ngwe vimanga, oloni mu vimbunge vyavo vanapu ngwe tungunga vavukalu. Mukavazivukila ku vilinga vyavo. Miti ya mambimbo kuyasa kwima mikolovozi ya vushuka vwa vinyu, nambe mimpundukaina kuyasa kwima mikuyu.

Ngecivene, muti woshe wauvwa ukaimi vushuka vwavuvwa, oloni muti wauvi ukaimi vushuka vwavuvi.

Muti wauvwa kuwasa kwima vushuka vwavuvi, nameme lalo muti wauvi kuwasa kwima vushuka vwavuvwa.

Muti woshe uje kuwimi vushuka vwavuvwa vakaushinja, co vakaumbila mu tuhya.