Beliebte Verse in Wek. 14

Teilen

Tura Uunt Yus kajerkairap núnisaṉ nu nuṉkanmaya̱ aentssha ashamkairap. Paṉ yua awajkattaji nin ayamprúktinkia peṉké atsawai. Antsu iin yaintmaktinkia Uunt Yusaiti. Sapijmiakairap” tiármiayi.

‘Uunt Yuska wárikkia kajechuiti tura waitnenkartutairi̱sha tí uuntaiti. Yajauch túramuncha núnisaṉ umiktinian nakitín ainia nunasha Niṉkia tsaṉkurniuiti. Túrasha umitmákunka peṉké páchitskeka iniaichaiti. Tuma asa ni aparí̱ tunaari̱ni̱n uchirí̱n tiraṉki̱n nuyá̱ tiraṉkí̱ya̱ tímianaisha asutniuiti’ tímiame.

Warí Uunt Yus nekas iin waitnentramakka tí peṉker nuṉka ashí arak tsapáu asamtai muntsu míshkiji̱a̱i̱ entsa núnis akamunmasha ejetam núṉkentin awajtámsattaji.

Antsu winia takartin Karepka núniska enentáimtsuk péṉker enentáimias takamtsuk umirtuku asamtai wekaatus iyuma nú nuṉkanam awayá̱ttajai túram ni shuari̱ nui̱ nuṉkenawartatui.

Tura chicharainiakum ‘Wikia Iwiaaku Uunt Yusaitjiai tawai Uunt Yus. Tuma asan Wi ántamunam átum tárumna nuja̱i̱ métek Wisha atumniaka túrashtajrumeash.

Uunt Yus Muisaisan chicharuk “¿Ju̱ aentssha urutáik nakitrichush árat ni iimiainiamunam ashammainian túrin ai̱sha ti urutáik nekas enentáimtursarat?

Nuyá̱ Israer shuar Muisaisan Araunja̱i̱ yajauch chicharainiak “Ejiptunmaṉ jákaruitkiurkia nuí̱chuka atsú nuṉkana ju̱i̱ṉᵏ kaji̱ṉkiáruitkiurkia maak áraintji.

Nuyá̱ Nuuna uchirí̱ Jusuí, Jipuni uchirí̱ Karepja̱i̱ nuṉká mamikmáuwarmia nui̱ páchitkia ásar pushiri̱n já̱a̱kar ashí Israer shuar iruntrarun chicharainiak “¡Nuṉka wekatukar iyutai tusar werimiaj nusha tí peṉkerauyi!

“Tuma ai̱ṉsha Wikia iwiaakjai tura Winia kakarmarsha ashí nuṉkanam piákuiti. Túrasha Ejiptunam tura atsunum Winia kakarmarun tura Wi túramun wáinkiariat nekáa nekaprakua tias ejewarsha Winia chichamprunka antukcharma nuka chikichkisha nekas tajai tusan atumí aparí̱n chicharkum jú̱ nuṉkan amastatjarme tiármiaj núnaka chikichkisha wáinkiashtatui.