Beliebte Verse in Wek. 13

Teilen

Nuyá̱ Muisaissha pujái̱ Karep Israer shuaran mitia ajastarum tinia chicharainiak “Nú nuṉkaka ata̱i̱r nekas akintrukminiaitji” tímiayi.

Núnisaṉ naya aents Anaka shuari̱ waintramji tura niji̱a̱i̱ apatka íimiasmaka iikia manchichia núnin ajasmaji. Tura ni iirmassha manchichia ánin íirmarmaji” tiármiayi.

Takui̱ niji̱a̱i̱ wéarmia nu chichainiak “Nú aentsja̱i̱ṉkia mánikchamniaitji. Warí iiji̱a̱i̱ naṉkaamas kakaram áiniawai” tiármiayi.

Tura niji̱a̱i̱ wéarmia nu Israer shuaran waitruawar ujainiak “Ii nuṉka iyumaj nuka kaji̱ti̱a̱i̱ núṉkaiti núnisaṉ nui̱ matsamárma nusha ti naya armai.

Túrawar Muisaisan ujainiak nuṉka mamikmá ikiutarum tímiam nui̱ jeamji. Nusha nekas péṉker nuṉka ashí arak tsapáu asamtai muntsu míshkiji̱a̱i̱ entsa núnis akamunmasha tura nu nuṉkanmaya̱ nere̱nka ju̱i̱ti tiármiayi.

Túmaitiat aents nui̱ pujuinia nuka kakaram áiniawai tura ni mátsatkamuri̱sha ti uunt tura wenuimiu áiniawai. Núnisaṉ Anaka aentsri̱sha wáinkiarmaji.

Kame jú̱nis pujuiniawai Nekep nuṉkanmaṉka Amarík aents tura muraani̱ṉkia Jet aents, Jípius aents, Amur aents nuyá̱ nayants yantam Jurtana pakarí̱nkia Kanaan aents matsatainiawai tiármiayi.

Káatishnum kampuntin atsú Parannum Muisais Araunja̱i̱ tura ashí Israer shuar matsamármia nui̱ káunkarmiayi. Nuya̱ṉka ni wáinkiarmia nuna mash etserkar araka nere̱ncha iniakmasarmiayi.