Beliebte Verse in Naṉ. 49

Teilen

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

Tura Juseka numi entsá yantamach wajas tí nukap nereana núniniaiti tuma asa ni kanawe̱sha tanishnium waka ti nerek punua ániuiti. Tíshimkiuja̱i̱ mánin ainia nunasha kajerainiak eketáiniawai túrawar tuke itit awajainiawai.

Antsu Jusesha ti kakarmaiti tuma asa ni tíshimkiuri̱ncha kaki achíawai. Maa, ti kakaram Yus Israer shuaran Wáinkiartin tura Ayamkartin ana nuna ti yumiṉsajai. Ame apá Yusri̱ Uunt Yus ashí naṉkamantua nu tura yáintmana nu ju̱ja̱i̱ shiir awajtámsati. Nayaimpinmaya̱ núja̱i̱sha tura nayantsa initri̱n ana núja̱i̱sha tura takusar tsakatmartinji̱a̱i̱sha shiir awajtámsarti.

Tura áminkia Jutá, ame yátsum shiir awajtámin ártatui. Tura nemasrumsha núpeteakum sué̱nam achía nútiktiatme. Tura ashí yatsumsha tikishmátramin ártatui. Ámeka Jutá, winia uchiru úunt ya̱wa̱chia núniniaitme. Tuma asam namaṉ yuam aju̱a̱nta ininiaitme. Túram úunt ya̱wa̱a núnismek nuṉká iniantam tepenaitme. Inianta tepesakmincha ¿yaki itit awajtámin aintⁱ?

Ruwinkiá, úchipia asan kákarmakeyaj nui̱ áminkia yajutmarmiajme. Iwiá̱i̱ asam ámeka kakarmaitme núnisaṉ páantniuitme. Túrasha ámeka esetramsha enentáimcha asam entsa tampaki̱ winiana núniniaitme. Warí winia chíkich nua̱rja̱i̱ tsaniṉkia kanarmame. Tuma asam Ruwinkiá, páantin áchattame.