Áyu cána oke méuujétsó dsɨ́ɨ́dsɨjɨ́vuj.
Ahdújucóo ditye tsájɨɨvu úújetsóné dííbyeke. Áájɨtúu húmɨ náávee, memee, íjcyane ɨɨ́ɨ́téne neebe diityéke:
—¿Aca múhúmɨ náávé eéne? Áhdure ¿mumémé eene tééjɨtu?
Áánélliihyée nééme dííbyeke:
—Tséétsá húmɨ nááve. Áábe méméré íñe tééjɨtu.
Áánélliihyée neebe diityéke:
—Ané wa ihdyu diibye Tséétsáke mááhdohíjcyá dííbye éhnéjuco íjcyanévu. Áánetu ihdyu Píívyéébeke máácuhíjcyá dííbyé wáábyuta íjcyanévu.