Beliebte Verse in Mantá Tanla 4

Teilen

yasiri jutsa quinaminlaca se larimin joe tinue. Diosi yaca mumun pato mantá cuwanue tinue yape jerale tote chumin tsachila yabesiri se lolaisa.

Junni Diosibe tsanque rocainunsi, layainun tamori wecainue. Junnasale Diosichi Tenca yalachibi jera seque mantaquebi winue. Junnan yalari luratuto, Diosichi fiquica seque pánaminlanue.

Chiquilari nube mantaiminla joyoe. Tsan josanan, chiquilaca seiton quichi latinae. Aman nu Diosi, junca meráto, chiquilaca sonba tenca suwade! chiquilari jeleratuto nuchi fiquica palaquichun.

Meralaquede! Diosichi Pilabi itsanque chuteca joe: Suca ya quiminla su mancaca seitoe tito quepolaquichunaeque chuteca joe. Tsan josanan, ya suri uraran fe munaranun su patichunaeque chuteca joe. Junni nulari jun ya quiminla cuwenta jolajoe. Jesucristo jun su cuwenta joe tinue. Nulari yaca seiton joe tito quepocala josanan

Aman Pédrobe Juanbe epe tsachila jominlanue. Duquenan estudiaica iton jominlanue. Tsanla jotonan, luratuto paniquinaminlanue. Junni israelita mantaminla Pédrobe Juanbe pánaminca meráto wepanalainue. Junsi tenhilainue Jesube miicala joto tsan jolajoeque.

Junni Crístochi mantá tanla Miya Jesuca pánaminlanue yaca mansonhicaca quiracalayoeque. Diosi yala jeralelaca duque laquirato seque ayudainaminue. Junnan aman jerale Jesucrístobe cayaica junla man junni munaralarato, man tencari cato chuminlanue. Yala ticatiya tato, yaca tsacumin joyoe titumin jominlanue. Ticatiya tato, jeralela man parejo tamin jominlanue. Monantiya isapun itominlanue.