Beliebte Verse in Gn 49

Teilen

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

“Laj José chanchan junaq xtux li che', chanchan jun xtux li che' chire li ha': neke'taqe'k li ruq' chiru li tz'ak. Nach'i'ch'i'iik, narahob'tesiik ut nayale'k rix xb'aaneb' laj simaj

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel; sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

“Ut laa'at, Judá, te'xnima aawu eb' laawas aawiitz'in: taak'e laawuq' sa' xb'een xjolomeb' li xik' neke'ilok aawe, ut eb' li ralal laayuwa' te'xk'utzub' rib' chawu. Laj Judá a'an ral li kaqkoj. Xatsutq'iik chaq aawochb'een laatzak, at walal: nakatunub' ut nakajilib' aawib' jo' junaq kaqkoj malaj ixqikaqkoj. Ani taak'ehoq re chi wakliik?

“At Rubén, xb'eenat li walal, laa'at linmetz'ew ut xb'een ru linwinqilal; laa'at li nim xloq'al ut nim xwankil. Kama'at li ha' nakatwoqxo'k. Ab'anan moko laa'ataq ta chik li nim xwankil, xb'aan naq xat-ok sa' xch'aat laayuwa' ut xamux linwarib'aal.