Beliebte Verse in Ex 3

Teilen

Kichaq'ok li Yos ut kixye re laj Moisés: “Laa'in li Laa'inin”. Ut kixye ajwi': “Jo'ka'in taaye reheb' laj Israel: «Laa'inin xtaqlank chaq we eerik'in»”.

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Toja' naq li Qaawa' kixye: “Matjilok chaq. Isi laaperxaab' chawoq, xb'aan naq li na'ajej wankat wi' a'an santil ch'och'”.

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'. Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Aran li x'ánjel li Qaawa' kixk'ut rib' chiru kama' raq'xam, sa' xyi jun toon chi k'ix: laj Moisés ki'ilok ut kixk'e reetal naq li k'ix yo xxamlel, ab'anan ink'a' na'oso'k.

Jo'kan b'i', ayu; laa'in tatintaqla rik'in laj Parahón re naq taawisiheb' chaq Ejiipt lintenamit Israel”.