Beliebte Verse in 2 Njé gə́ Kɔrḭtə 1

Teilen

Maji kar dɔ ri Ala lé ai səgərə, yeḛ gə́ to Bɔ Mbaidɔmbaije lə sí Jeju Kristi ləm, gə bao-meekɔrjol ləma, gə Ala gə́ bao-njegɔl meḛ dəwje ləm tɔ. Yeḛ nja ɓa gə́ njegɔl sí dan némeeko̰ gə́ rara gə́ j’isi danee’g gə mba kar mbɔl dɔ gɔl gə́ yeḛ gɔl meḛ sí lé jeḛ kara j’askəm gɔl ne meḛ mar síje gə́ d’isi dan némeeko̰’g gə́ rara kara gə́ ra dee lé tɔ.

To gə́ némeeko̰ lə Kristi taa rɔ sí pəl-pəl lé né gə́ ka̰ gɔl meḛ sí kara ḭ rɔ Kristi’g gə mba gɔl sí ne tɔ.

Meḛ síjeḛ’g lé j’oo rɔ sí gə́ ka̰ yoo ya doŋgɔ. Nɛ j’ɔm meḛ sí dɔ Ala’g yeḛ gə́ njekar dəwje d’unda loo teḛ loo-yoo’g lé ɓó j’ɔm meḛ sí dɔ rɔ sí’g el.

Ala nja ɓa ar sí ŋgəŋ sə sí na̰’d ar sí j’ɔm na̰’d gin Kristi’g ləm, yeḛ nja ɓa ɔr sí unda sí gə kəmee ləm tɔ. Yeḛ ɔr sí unda sí gə dɔ jia ar sí ndilee gə́ nétorjia tɔl ne meḛ sí bém.

Ɓó lé j’isi dan némeeko̰’g ndá to gə mba gɔl ne meḛ sí-seḭ ləm, mba kar sí iŋgaje ne kaji ləm tɔ. Esé lé deḛ gɔl meḛ sí d’ar sí j’isi dan meelɔm’g kara yee ɓa to gə mba gɔl ne meḛ sí-seḭ kar meḛ sí to ne lɔm loo gə́ seḭ ilaje meḛ sí po̰-po̰ dan némeeko̰’g gə́ to asəna gə ka̰ síjeḛ lé tɔ.