Beliebte Verse in MACIU 5

Teilen

Sa sega talega ni tutuvaki na cina, ka me qai toka e ruku ni vakarau ni sila, e na kenai tutu ga; sa qai cinavi ira kecega sa tiko e vale. Me caudre vakakina na nomudou rarama e na matadra na tamata, me ra raica na nomudou i valavala vinaka, ka vakarokorokotaka na Tamamudou sa tiko mai lomalagi.

Oi kemudou na rarama kei vuravura. Na koro sa tara toka e na ulu-ni-vanua sa sega ni tabonaki rawa.

Sa kalougata ko ira sa yalosavasava: ni ra na raica na Kalou.

Sa kalougata ko ira sa viakania ka via gunuva nai valavala dodonu: ni ra na vakamamautaki.

ia koi au, kau sa kaya vei kemudou, Dou lomani ira na nomudou meca, vosa vinaka vei ira sa rukaki kemudou, caka vinaka vei ira sa cati kemudou, ka masulaki ira sa vakalialiai kemudou, ka vakacacani kemudou

Sa kalougata ko ira sa yalomalumalumu: ni sa nodra na matanitu vakalomalagi.

Sa kalougata ko ira sa dautataro: ni ra na vakatokai me luve ni Kalou.

Sa kalougata ko ira sa dautagi: ni ra na vakacegui.

Sa kalougata ko ira era sa vakacacani e na vuku ni valavala dodonu: ni sa nodra na matanitu vakalomalagi.

Sa kalougata ko ira e dauloloma: ni ra na lomani.

Dou sa kalougata, ni dou sa vakasewasewani, ka vakacacani, ka vosavakacacataki vakailasu e na ka kecega e ca, e na vukuqu: dou reki, ka marau vakalevu: ni sa levu na kenai sau vei kemudou mai lomalagi: ni sa vakaoqo na nodra vakacacani ira na parofita era sa bula eliu vei kemudou.

Sa kalougata ko ira sa yalomalua: ni ra na taukena na vanua.

Oi kemudou na masima kei vuravura; ia kevaka sa seavu mai na masima na kena tuituina, ena vakatuituinataki tale e na cava? sa qai sega ni yaga e na dua na ka, me biu ga ki tautuba, ka me butuka sobu ko ira na tamata.

O koya mo dou qai vinaka sara, me vaka sa vinaka sara na Tamamudou sa tiko mai lomalagi.

Ia me io, na io, me sega, na sega, na nomudou vosa: ia na ka sa levu cake, sa tubu e na ca.

Dou sa rogoca sa kainaki, Me kenai sau ni mata na mata, ka me kenai sau ni bati na bati, Ia koi au, kau sa kaya vei kemudou, Dou kakua ni veisausaumitaka na ca: ia kevaka e dua sa sabica na balumu i matau, golea talega vua na kenai karua.

Ia kevaka sa vakacalai iko na matamu i matau, vecuka tani, ka biuta tani vei iko: ni sa vinaka vei iko me yali laivi e dua na tikimu, ka me kakua ni biu ki eli na yagomu taucoko. Ia kevaka sa vakacalai iko na ligamu i matau, muduka tani, ka biuta tani vei iko; ni sa vinaka vei iko me yali laivi e dua na tikimu, ka me kakua ni biu ki eli na yagomu taucoko.