Beliebte Verse in MACIU 15

Teilen

Ia na veika sa curu mai na gusu, sa lako dina mai na yalo; a veika ga oqo sa vakadukadukalitaka na tamata. Ni sa curu yani mai na yalo na nanuma ca, na daulaba, na dauyalewa, na daudara, na daubutako, na veibeitaki vakailasu, na vosa vakacaca

a ka sa curu ki na gusuna sa sega ni vakadukadukalitaka na tamata; ia na ka ga sa lako mai na gusuna, sai koya ga sa vakadukadukalitaka na tamata.

O ira na tamata oqo era sa vakarokorokotaki au e na gusudra, Ia na yalodra sa yawa tani vei au: A sa sega ni yaga na nodra masuti au, Ni ra sa vakatavuvulitaka na vunau ni tamata mei vakavuvuli.

Sa qai vosa ko Jisu, ka kaya vua, Yalewa, sa levu na nomu vakabauta: me yaco vei iko me vaka na ka ko sa vinakata. A sa bula na luvena-yalewa e na tiki-ni-siga ko ya.

Sa qai lako mai na yalewa, ka cuva vua, ka kaya, Kemuni na Turaga, ni vukei au mai. A sa vosa ko koya, ka kaya, Sa sega ni vinaka me kau na kedra na gone, ka me biu vei ira na koli. A sa kaya na yalewa, E dina ga, na Turaga: ia ko ira na koli era kania na meme ni kakana sa lutu mai na tepeli ni nodra turaga.