Beliebte Verse in MACIU 10

Teilen

Raica, au sa talai kemudou yani me vaka na sipi e na kedra maliwa na wolifa: o koya mo dou qai vuku me vaka na gata, ka yalovinaka me vaka na ruve.

O koya sa maroroya na nona bula, ena vakayalia: ia ko koya sa vakayalia na nona bula e na vukuqu, ena maroroya.

Ia kakua ni rerevaki ira era sa vakamatea na yago, a ra sega ni rawata me ra vakamatea na yalo; ia dou rerevaki koya ga sa rawata me vakarusa na yalo kei na yago talega mai eli.

Ia ko koya sa sega ni colata na nona kauveilatai, ka muri au, sa sega ni yaga vei au.

O koya yadua ena tukuni au e na matadra na tamata, au na tukuni koya talega e na mata i Tamaqu sa tiko mai lomalagi. Ia ko koya yadua ena cakitaki au e na matadra na tamata, au na cakitaki koya talega e na mata i Tamaqu sa tiko mai lomalagi.

Dou vakabulai ira sa tauvi-mate, vakasavasavataki ira na vukavuka, vakaturi ira cake tale na mate sara, vakasevi ira na tevoro: dou a rawata walega, mo dou solia walega.

O koya mo dou qai kakua ni rere: dou sa uasivi cake vei ira na separo e vuqa.

Dou kakua ni vakasama niu sa lako mai meu kauta mai ki vuravura na veivinakati: au sa sega ni lako mai meu kauta mai na veivinakati, ai seleiwau ga.