Beliebte Verse in Zɛnɛse 28

Teilen

Ŋ́gaa íkɔlɛ. Ŋa pâi ímɛi kâai ƃɛ́i kélee ƃa liî naai, ŋá pá a yá pôlu ŋɔ́nɔ ǹɔii ŋí su, kpɛ́ni fêi, fé pâi teêi yâ é lɛ́ɛ la zu m̀ɛnii ŋá mò yâi ŋá gɛ́.”

Yâwɛɛ è tɔ̀ɔ délei ŋuŋ túɛ ǹyɛɛi, “Ńyãa ƃa Yâwɛɛ, nyii gáa a ínâŋ Eberaɣɛ̃ɛ da Aise díɣâlai. Ǹɔii íkaa lâa-ni mai, ŋa pâi dɛ̂ɛi ípɔ ká ísuui.

Nya ƃe Zeeka è ŋ̀ɛ́i lá ƃò ŋɔnyii su ǹyɛɛi, “Tɔ̃yâ ma, Yâwɛɛ káa ƃɛ́, ǹyaŋ fé kɛ́ ní a gɔ̂lɔŋɔɔ!”

Nya ƃe Zeeka è góno tèe ǹyɛɛi, “À kɛ̀ Ɣâla a pâi kɛ̂i ŋ́gɔlɛ é mɛi káa ŋásiai su é mii-sɛŋ tɛ̀ɛ ḿbɔ ŋá mii é seɣe tɛ́ɛ ḿbɔ ŋá doo ḿâ, a gɛɛ ŋá pá ŋɔ́nɔ ńâŋ ŋɔpɛ́rɛi mu lii-see su, gɛ̀ ní Yâwɛɛ a pâi kɛ̂i a Ŋáɣâla. Gɛ̀ ní gɔnii ŋí ŋá dɔ̀ɔ a Ɣâla teƃelei, a pâi kɛ̂i a Ɣâla ŋɔpɛ́rɛ. Zɛŋ kélee Ɣâla a dɛ̀ɛ ḿbɔi, ŋa pâi buu-ɣelei tɛɛ̂i bɔ́.”

Ǹyaŋ ísuui a pâi tâmai yɛ̂ɛ ǹɔii mâ ŋãyai. Ǹyaŋ ísuui a pâi serîi vóloi liî-pere da vóloi kulâi-pere, ǹɔii ŋûa-pere da ǹɔii kwára-pere. Ka ísuui kásârai, lûwa a pâi kɛ̂i ǹɔii su-ƃelai kélee dîa.

Zeeka è naa láa sèe a Bɛtɛ (zu-kulai ƃa Ɣâla ŋɔpɛ́rɛi, kɛ́lɛ daai láa ƃe kɛ̀ a Luzi a maa-ŋuŋ).