Beliebte Verse in Dolabololo 2

Teilen

Sababu Ma JOU ga'a 'O pula'a 'akala soro'unu, re no sanga wo-waro di'a 'ahu re sahe wo-waro lai ngido ra Unanga.

Hai 'ari ngowa'a nau'u, na dawongo 'ari do-doto'o-do-doto'o, re na gogono tani 'akala re sinyingara ma dara 'ari duga re domolo. 'Ani ngau'u balasu 'i mangono di'a totoho la-la 'akala soro'unu re 'ani 'akala re sinyingara 'i makutale sanga wo-waro di'a 'ahu. 'Ari ngowa'a nau'u, no golo'o ri-riono toma wo-waro lai ngido, re no disa makutale wo-waro di'a 'ahu, Disa enanga gena-ge ma tero no disa guraci, re na kunu'i enanga gena-ge sa'olo no disa ḏiḏiwongo. Re na'o so'o gena, ngana ḏuanga i'a no waro mangale silamo'o re mojongo Ma JOU re ngana ḏuanga i'a no sanga wo-waro lai ngido mangale Ma Jou'ongu Madutu.

Unanga 'o pula'a duga re domolo toma ngowa'a ga'a manga 'ahu 'i boloto, Unanga ma tero ta-taini ga'a saolo ngowa'a ga'a manga de'oso re ḏegoro kama rapu ua. Ma JOU 'o jaga ngowa-ngowa'a ga'a manga 'ahu ma ḏo-ḏagi 'i 'adili, re 'O saolo ananga ga'a 'elingi Unanga.

Sababu, ngowa'a ga'a manga 'ahu 'i boloto, ananga gena-ge ḏuanga i'a 'aḏi ḏegoro tana'a ga'a Ma JOU ro sijaji, re ngowa'a ga'a manga de'oso re ḏegoro kama rapu ua, ananga gena-ge 'aḏi tegoro tau-taunu toma ngi'i gena-ge, Mada'a ngowa'a kajahatana ḏuanga i'a 'aḏi sanga dusu'u toma tana'a gena-ge, re ngowa'a ga'a tukanga sihaga, ananga gena-ge 'aḏi sanga upa'a sisupu toma ngi'i gena-ge.

la ngana no sikiḏanga toma we-were'a su-sudala, re toma we-were'a nakala ga'a manga bo-baja lai mami madutu. Munanga ma sisoi'i tala 'ami na'u re ma sidaioranga 'ami jaji ra Ma Jou'ongu Madutu.