Beliebte Verse in Dolabololo 1

Teilen

Silamo'o re mojongo Ma JOU, gena-ge wo-waro ma mulaingi. Mada'a ngowa'a haga, ananga gena-ge 'aḏi sipa-pake ua 'akala soro'unu re do-doto'o. 'Ari ngowa'a nau'u, no totoho la-la ino 'ani ḇaḇa 'ai do-doto'o re awa sidaioranga 'ani ngina 'ami demo-demo

Ngowa-ngowa'a ga'a 'ahu ma wo-waro rimoi i'a mai ua, ananga gena-ge ḏuanga i'a 'aḏi sengene sababu 'aḏi pula'a ḏuḏunu tari duga re domolo, re ngowa'a ga'a 'aḏi emono wo-waro, ananga gena-ge ḏuanga i'a sanga singi-ngiranga sababu 'aḏi sipa-pake ua 'ari duga re domolo. Mada'a ngowa-ngowa'a ga'a 'aḏi 'isene ngoi, ananga gena-ge ḏuanga i'a 'aḏi paralu 'ori i'a rimoi mai riwara, re 'aḏi sanga saolo re 'aḏi mojongo bahala ua.>>

Dadi ngowa'a 'akala soro'unu 'aḏi 'isene dolabololo, re ḏuanga i'a nyengara 'aḏi sidogo manga wo-waro re ḏi'i ngowa'a remanga wo-waro ga'a ya sinyanyasele, ananga gena-ge 'aḏi sanga dolabololo ma di-dibanga

'Ari ngowa'a nau'u, na'o ngana no sanga bo-baja toma ngowa'a baraḏosa, na'u mete'e awa.

Nena-ne dolabololo-dolabololo ra Salomo Israel manga 'olana, 'a Daud 'ai ngowa'a nau'u. Dolabololo gena-ge ma maksudu di'a riono ngowa-ngowa'a, la 'aḏi sanga 'akala soro'unu re do-doto'o mangale 'adata re 'atoranga di'a sanga wo-waro lai ngido, la ngowa'a 'aḏi sanga do-doto'o ga'a 'i si'a'a ananga 'akala soro'unu, sa-sakala ua, pa'ala kaci moi ua re 'ahu ma loasa re banari. Ngowa-ngowa'a ga'a 'ahu ma wo-waro rimoi i'a mai ua, dolabololo-dolabololo nena-ne ya'u sidoto'o, la ananga gena-ge 'aḏi dadi pahe re ḏi'i ngowa'a ra-ramasa ie sanga wo-waro re 'akala soro'unu.

Toma 'orasa gena-ge, ngini ni 'aro'o ngoi, mada'a ngoi to waḏusu ua. Ngini ni disa ngoi lea ḇato mada'a ni sanga ngoi ua. Sababu ngini ma tero sa'olo ngowa'a 'aḏi sipa-pake ua wo-waro, re ni pili ua silamo'o re mojongo Ma JOU.