Beliebte Verse in Dadunu 7

Teilen

Sababu gena-ge, sidaioranga awa mangale Ma JOU Ma Jou'ongu Madutu ga'a ngini ni silamo'o re siḏubuso, pa'i Unanga gena-ge ḇato Ma Jou'ongu Madutu. Re ngini nyengara ni sigare ninga ngo-ngaku ra Unanga di'a 'O sitotomo 'ai jaji re 'O sijumu 'Ai dadalara ga'a 'i ngali ua singadolo ju'uda cala rema cala ananga gena-ge ga'a dadalara Unanga re siḏagi 'Ai parenta-parenta.

Si'a'a mo-moini gena-ge sababu ngini reni siwola i'a di'a Ma JOU Ma Jou'ongu Madutu ga'a ngini silamo'o re siḏubuso di'a Ta Unanga. Toma bangsa mo-moini toma dungia sitabi donga, pa'i ngini ḇato ga'a Ma JOU nu cumutu di'a ni dadi 'Ai 'umata masiretene. Unanga gena-ge Ma Jou'ongu Madutu ga'a ngini ni silamo'o re siḏubuso.

Mada'a Ma JOU 'O cumutu ngini sababu Unanga 'O dadalara ngini re mau 'A sitotomo 'Ai jaji ga'a Ro si'a'a rema sasi taninga ngimo-ngimono singadolo Unanga 'O sigasa ngini supu toma Mesir Rai kuasa ma pari cua re tuusu ngini toma ngi'i ga'a ngini ni dadi budaka toma Firaun 'olana Mesir 'ai kuasa.

<<Ma JOU 'o sitantukanga di'a dadalara ngini re 'O cumutu ngini sa'olo 'Ai 'umata, gena-ge ma sababu ngini lebe lamo'o ua reo bangsa-bangsa ma lelegu; ma nyonyata mode-mode'e ngini gena-ge bangsa ga'a lai ceka'a toma dungia nena-ne.

Bangsa rimoi i'a mai ua toma dungia nena-ne ma dara, ga'a Ma JOU ya'u sibarakati pai'i reo ngini singadolo bae we-were'a re na-nau'u matengo i'a mai ua ga'a kama ngowa'a ua, bae ninga haiwani biara rimoi i'a mai ua ga'a kama ngowa ua.