Beliebte Verse in Santiágo̱ 4

Teilen

Ikhaa jngó, gu̱ni̱ꞌñá-mijnálaꞌ rí maꞌthán-ñájwanlaꞌ Ana̱ꞌlóꞌ. Ga̱wajún-ꞌthi̱ínlaꞌ gixa̱a̱, a̱ꞌkhue̱n rí ikhaa̱ magáyuu̱ ma̱ꞌgee̱ i̱mba̱ janíí.

Gu̱xu̱ꞌmá-mijnálaꞌ ná inuu Ana̱ꞌlóꞌ, jamí ikhaa̱ maxuꞌma-mine̱e̱ꞌ ná inalaꞌ. Xa̱bo̱ aꞌkhán, gu̱ni̱ꞌñáá-ru̱ne̱laꞌ aꞌkhán. Tsáanꞌ a̱jma̱ a̱kia̱nꞌlaꞌ, ga̱ꞌne jañii a̱kia̱nꞌlaꞌ ná inuu Ana̱ꞌlóꞌ.

Gu̱xrígú-mijnálaꞌ ná inuu Ana̱ꞌlóꞌ, jamí ikhaa̱ ma̱ꞌnii̱ rí ma̱gi̱ꞌdoo numalaꞌ.

Xómáꞌ ikhaa̱ phú mba̱a̱ nambáyálóꞌ ga̱jma̱á rí máján. Ikhaa jngó ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ana̱ꞌlóꞌ na̱we̱je̱-ꞌthu̱ún xa̱bo̱ tsí nu̱xu̱xí-mijná, xómáꞌ tsí nu̱xrígú-mijná rá, nambáñúu̱ ga̱jma̱á rí máján».

Ikhaa jngó, tsí ndaꞌyoo máꞌ náá rí máján ma̱ꞌne, jamí tsíꞌnii̱ ne̱, aꞌkhán iꞌnii̱.

Jamí ído̱ rí nu̱nda̱ꞌa̱laꞌ, tsídrígúlaꞌ rí nandalaꞌ numuu rí tsínda̱ꞌa̱laꞌ ne̱ rí ma̱jmaa ná ndaꞌyóo, rí nu̱nda̱ꞌa̱laꞌ ne̱ mu̱tsi̱jmálaꞌ ná rí na̱ni̱gua̱ꞌlaꞌ ikháanꞌlaꞌ.

¡Ra̱ꞌkhá xa̱bo̱ tsí nandúún juyáá i̱ndo̱ó máꞌ Ana̱ꞌlóꞌ ñajwanlaꞌ ikháanꞌlaꞌ! Á tsíya̱álaꞌ rí xa̱bo̱ tsí nandoo guéño jaꞌyoo rí ríga̱ ná numbaa, tsíyoo rí ma̱mbáxu̱u̱ꞌ ga̱jma̱á nindxu̱u̱ Ana̱ꞌlóꞌ rá dxe̱ꞌ. Ikhaa jngó, asndo tsáa máꞌ tsí nandoo guéño jaꞌyoo rí ríga̱ ná numbaa, naꞌne-mine̱e̱ꞌ xa̱bo̱ sia̱nꞌ ga̱jma̱á nindxu̱u̱ Ana̱ꞌlóꞌ.

Jamí ni tsíya̱álaꞌ dí gáríga̱ gátsíí, ni máꞌ tsíya̱álaꞌ xí xóó juwalaꞌ. Dí lá ñajuun mbiꞌyalaꞌ rá. Xómá ru̱jmba̱aꞌ rí nakujma mbégo jamí i̱mbrúma nánda̱a̱ ne̱, xkuaꞌnii jaꞌñáaꞌlaꞌ.