Beliebte Verse in Santiágo̱ 2

Teilen

Xkuaꞌnii máꞌ mangaa xa̱bo̱ tsí i̱ndo̱ó máꞌ naꞌthán rí wéje̱ a̱kui̱in ná inuu Ana̱ꞌlóꞌ, jamí tsíꞌnii̱ nimbá rí máján, nda̱a̱ mbá jayu numuu naꞌthée̱n rí wéje̱ a̱kuii̱n ná inuu Ana̱ꞌlóꞌ.

Xómá jaꞌnii xuyuu xa̱bo̱ tsí nijáñuu, nánda̱a̱ xu̱u̱ꞌ ne̱, xkuaꞌnii máꞌ jaꞌnii rí wéje̱ a̱kui̱in xa̱bo̱ ná inuu Ana̱ꞌlóꞌ mangaa, nijáñuu ne̱, xí nda̱a̱ rí máján iꞌnii̱.

A̱ngui̱nꞌ, xí mbáa naꞌthán: «Ikhúúnꞌ wéje̱ a̱kui̱nꞌ ná inuu Ana̱ꞌlóꞌ», jamí nda̱a̱ nitháan rí máján iꞌnii̱, nda̱a̱ mbá jayu rí gámbáyúu̱ rúꞌkhue̱n. Rí xkuaꞌnii wéje̱ a̱kuii̱n ná inuu Ana̱ꞌlóꞌ, ma̱xáꞌngo̱o̱ rúꞌkhue̱n ma̱ꞌne-jríya̱a̱ꞌ.

Ikháánꞌ nanimba̱a̱ꞌ rí mbáwíi máꞌ tsí ñajuun Ana̱ꞌlóꞌ xtáa. ¡Phú máján máꞌ ithane̱ rí xkuaꞌnii! I̱ndo̱ó máꞌ numuu rí asndo gíñá ꞌguéen máꞌ nanimbu̱únꞌ rí xkuaꞌnii mangiin, jamí asndo naguaꞌii̱n rí namíñúu̱.

Á gáꞌne xí mbáa maꞌthán: «Tikhuun wéje̱ a̱kui̱ín ná inuu Ana̱ꞌlóꞌ, xómáꞌ i̱ꞌwíin nune̱ rí máján». Xómáꞌ ikhúúnꞌ na̱thu̱u̱n xa̱bo̱ tsúꞌkhue̱n: «Ikháánꞌ ma̱xáxóo ma̱ta̱snga̱jmúꞌ rí wéje̱ a̱kia̱anꞌ ná inuu Ana̱ꞌlóꞌ xí na̱nguá ríga̱ rí máján nathane̱. Xómáꞌ ikhúúnꞌ ma̱goo ma̱snga̱jmáaꞌ rí wéje̱ a̱kui̱nꞌ ná inuu Ana̱ꞌlóꞌ ga̱jma̱á majñu̱u̱ rí máján na̱ne̱lo̱ꞌ».

Numuu ído̱ rí Ana̱ꞌlóꞌ ma̱ꞌne-mbánuu ga̱jma̱á numúú xa̱bo̱, ma̱xáñáwíin a̱kuii̱n jaꞌyoo̱ xa̱bo̱ tsí táñáwíin a̱kui̱in jaꞌñúú xa̱bo̱. Tsí nañáwíin a̱kui̱in jaꞌñúú xa̱bo̱, ma̱ꞌngo̱o̱ ído̱ rí ma̱gu̱ma-mbáníí numuu̱.

Ikhaa jngó ga̱fraꞌa̱ꞌ májánlaꞌ ríge̱ꞌ: Ana̱ꞌlóꞌ naꞌthán rí nánda̱a̱ aꞌkhúun xa̱bo̱ ga̱jma̱á majñu̱u̱ rí máján naꞌnii̱, jamí ra̱ꞌkhá máꞌ i̱ndo̱ó ga̱jma̱á majñu̱u̱ rí wéje̱ a̱kuii̱n ná inuu Ana̱ꞌlóꞌ.

Nakujma nguáná máꞌ rí Abraám wéje̱ a̱kuii̱n ná inuu Ana̱ꞌlóꞌ ga̱jma̱á majñu̱u̱ rí niꞌnii̱. Jamí ga̱jma̱á majñu̱u̱ rí niꞌnii̱, nigaja̱a̱ asndo neꞌne káxe̱ rí wéje̱ a̱kuii̱n ná inuu Ana̱ꞌlóꞌ.