Beliebte Verse in Xa̱bo̱ ebréo̱ 13

Teilen

Ma̱xáni̱gua̱ꞌlaꞌ rí ma̱guaꞌdáálaꞌ mi̱ndaꞌkho. Ga̱juwalaꞌ gagi ga̱jma̱á rí guáꞌdáálaꞌ máꞌ, numuu rí jmína̱a̱ꞌ máꞌ Ana̱ꞌlóꞌ niꞌthán: «Ni miꞌtsú ma̱xáni̱ꞌñáaꞌ, ni máꞌ ma̱xáni̱ꞌñá-ti̱ga̱án».

Ikhaa máꞌ rí ninindxu̱u̱ Jesukrísto̱ ri̱xi̱í, ikhaa máꞌ ñajuu̱n xúge̱ꞌ, jamí ikhaa máꞌ gánindxu̱u̱ jámuu.

Ikhaa jngó, ma̱goo mu̱ꞌthánlóꞌ ga̱jma̱á mbá jañii a̱kia̱nꞌlóꞌ: «Táta̱ ñajuun tsí nambáyíꞌ, ikhaa jngó ma̱xámíñuꞌ. Nda̱a̱ nitháan rí ma̱ꞌngo̱o̱ ma̱ꞌñiꞌ nimbáa xa̱bo̱ numbaa».

Ma̱xámbumalaꞌ rí mu̱ne̱laꞌ rí máján ni máꞌ rí mu̱mbáyú-mijnálaꞌ. Numuu rí tsi̱gi̱jña̱ꞌ rúꞌkhue̱n ñajuun rí na̱ni̱gu̱u̱ꞌ Ana̱ꞌlóꞌ.

Ikhaa jngó, jámba̱ miꞌtsú gu̱xna̱xílóꞌ tsi̱gi̱jña̱ꞌ ná inuu Ana̱ꞌlóꞌ ga̱jma̱á majñu̱u̱ Jesús. Tsi̱gi̱jña̱ꞌ rúꞌkhue̱n ñajuun rí mu̱ꞌne̱-mba̱a̱lóꞌ ga̱jma̱á ajngáa rí nagájnuu ná rawanlóꞌ, jamí rí mu̱ꞌthánlóꞌ rí máján ga̱jma̱á numuu̱.

Xúgíin xa̱bo̱ tsí nida-mijná, guya-makuíi̱ xa̱bo̱ tsí ndiya̱a̱, jamí nimbáa ma̱xábóo ga̱jma̱á xa̱bo̱ tsí táyáa. Xómáꞌ tsí nubúún gajmíí xa̱bo̱ tsí túya̱a̱ rá, Ana̱ꞌlóꞌ maxúꞌdaa awan ga̱jma̱á numúu̱.

Jamí ma̱xámbumalaꞌ rí mu̱drígúunlaꞌ ná guꞌwálaꞌ xa̱bo̱ tsí naguwá i̱mba̱ janíí. Numuu rí xkuaꞌnii máꞌ nene̱ mbá tikhuun xa̱bo̱ nákhí wajyúú, ni máꞌ túyáa̱ rí ni̱drígúu̱n ánje̱l ná guꞌwúu̱n.

Ana̱ꞌlóꞌ ñajuun tsí naꞌne rí ma̱juwalóꞌ tsímáá. Ikhaa̱ niꞌnii̱ rí mbayáa mbiꞌyuu Tátiálóꞌ Jesukrísto̱, waxtú mba̱a̱ tsí na̱ña̱wa̱nꞌlóꞌ tsáanꞌ xómá xu̱kú mogo̱ jaꞌñáaꞌlóꞌ, tsí ga̱jma̱á majñu̱u̱ iꞌdiuu neꞌne mbá awan jámuu ga̱jma̱á numalóꞌ. Ana̱ꞌlóꞌ gáꞌne rí ma̱ma̱ñalaꞌ mu̱ne̱laꞌ mbá xúgíí inii rí máján, kajngó mu̱ne̱laꞌ rí nandoo̱. Xúꞌkhue̱n máꞌ ga̱ꞌnii̱ rí na̱ni̱gu̱u̱ꞌ ga̱jma̱á nindxa̱ꞌlaꞌ ga̱jma̱á majñu̱u̱ Jesukrísto̱, tsí jaꞌyoo rí ma̱gu̱ma-mba̱a̱ jámuu mbiꞌi. Xkuaꞌnii gáꞌne.