Beliebte Verse in Евангелие от Матфея 24

Teilen

и за умножение беззакония, изсякнет любы многих. Претерпевый же до конца, той спасется.

И проповестся сие Евангелие Царствия по всей вселенней, во свидетелство всем языком: и тогда приидет кончина.

Услышати же имате брани и слышания бранем. Зрите, не ужасайтеся, подобает бо всем (сим) быти: но не тогда есть кончина.

Востанет бо язык на язык, и царство на царство: и будут глади и пагубы и труси по местом: вся же сия начало болезнем.

небо и земля мимоидет, словеса же моя не мимоидут.

мнози бо приидут во имя мое, глаголюще: аз есмь Христос: и многи прельстят.

Тогда предадят вы в скорби и убиют вы: и будете ненавидими всеми языки имене моего ради. И тогда соблазнятся мнози, и друг друга предадят, и возненавидят друг друга: и мнози лжепророцы востанут и прельстят многия

И отвещав Иисус рече им: блюдите, да никтоже вас прельстит

Сего ради и вы будите готови: яко, в оньже час не мните, Сын Человеческий приидет.

Бдите убо, яко не весте, в кий час Господь ваш приидет.

О дни же том и часе никтоже весть, ни ангели небеснии, токмо Отец мой един

востанут бо лжехристи и лжепророцы и дадят знамения велия и чудеса, якоже прельстити, аще возможно, и избранныя.

якоже (бо бысть во) дни ноевы, тако будет и пришествие Сына Человеческаго: якоже бо беху во дни прежде потопа ядуще и пиюще, женящеся и посягающе, до негоже дне вниде ное в ковчег, и не уведеша, дондеже прииде вода и взят вся: тако будет и пришествие Сына Человеческаго