Beliebte Verse in इफिसियो 6

Teilen

क्यूंकै, अपांरी आ कुसती मिनखां ऊं कोनीं है, पर आकास में राज करणा वाळी सगतियो री दुस्ट सेना ऊं अर इण धरती री अंधेर सगतियो रा परधानो ऊं अर उणौरा राजा ऊं है।

हर एक मौका माथै अर सगळी बातां वास्तै आतमा मे ऊं विणती करता रौ अर इणीज तरैह ऊं परमेसर रा पवितर लोगां रै वास्तै हमेसां विणती करनै जागता रौ।

परमेसर रा सगळा हथियार बान्ध लौ, ताकी थै सैतान री सगळी चालौ नै रोक सकौ।

इण वास्तै बुरै दिनां मे इणौरौ सांमनौ करनै वास्तै परमेसर रा सगळा हथियार बांध लौ ताकी सगळी लड़ाई पूरी कर नै टिकियोड़ा रै सकौ।

अर उण सगळौ रै साथै, विसवास री ढ़ाल लेन मजबुती ऊं ऊभा रैवौ। जिण ऊं थै उण सैतान रा सगळा बळता तीरो नै बुझा सकौ। उद्धार रौ मुगट पैहर लौ, अर परमेसर रै वचन रूपी आतमा री तरवार उठा लौ।

इण वास्तै सचाई ऊं कमर बांधनै अर धारमिकता रौ कवच पैहर नै, सुभ संदेस रा परचार वास्तै पगां मे मेळ मिलाप रा पगरखा पैहर नै तैयार हो जाओ

कैवणौ ओहीज है के, परभु रा गाठ जोड़ अर परभु री महान सगति में मजबुत बणौ।

“आपरै मां बाप रौ आदर करौ।” ओ पैलौ हुकम है जिणरै साथै वायदो भी जुड़योड़ो है की, “जद थै थौरे मां बाप रौ कैणौ मांनोला, तो थारौ भलौ होवैला अर थांनै धरती माथै लम्बी उमर मिळेला।”

हे टाबरौ, थै परभु रा गाठ जोड़ में हो, इण वास्तै थै थौरे मां बाप रा हुकम मांनो, क्यूंकै ओ सही है।