Beliebte Verse in Matthew 10

Teilen

နားထော်ဂေ့လော့။ ငါဟ နန်းနို့ဝို ဝံပုလွေအုပ်ထဲဝို သိုးဒွေဝိုစေလွှတ်ဝိုမျိုး စေလွှတ်ဇာဖြစ်ရယ်။ အဲဂျော့ ဗွီဒွေဝိုမျိုး လီမာပါးနပ်ပြီး ချိုးငှက်ဒွေဝိုမျိုး ရိုးသားဖြူစင်ဂေ့လော့။

ကိုယ့်သက်ဝို ထီးသီးစော့ရှော့နေဝိုသူဟ အဲမိုသက်ဝို ဆုံးရှုံးရလိမယ်ဖြစ်ပြီး ငါတွက်န ကိုယ့်သက်ဝို ဆုံးရှုံးခံနိုင်ဝိုသူဟ ထာဝရသက်ဝို ရရှေ့လိမယ်ဖြစ်ရယ်။

ကိုယ်ခန္ဓာဝိုဘဲ့သတ်နိုင်ပြီး စိဝိဉာဉ်ဝို သတ်နိုင်ဘဲဝိုလူဒွေဝို ကြော့ဂေ့န။ အဲမိုစား ကိုယ်ခန္ဓာ န စိဝိဉာဉ်နှေ့ခုလုံးဝို ငရဲမှာဖျစ်ဆီးနိုင်ဝို ဘုရားရှင်ဘားဒဲဝိုဘဲ့ ကြော့ဂေ့လော့။

ကိုယ့်လက်ဝါးကပ်တိုင်ဝိုထမ်းပီး ငါ့နော့ဝိုလိုက်ပါရှင်စိမှေ့ဘဲဝို လူဟလဲ ငါ့နထိုက်တန်ရ။

အဲဂျော့ ဟယ်သူမဆိုလူဒွေရှေ့မှာ ငါ့ဝိုလက်ခံကြောပြောဆိုမယ်ဆိုဝါ ငါဟလဲ ရွှေဗြို့တော်မှာရှေ့ဝို ငါ့ရဲ့အဖဘုရားရှင်ရှေ့ မှော့မှာ အဲမိုလူဒွေဝို လက်ခံကြောပြောဆိုမယ်ဖြစ်ရယ်။ အယ်ဘေမဲ့ လူဒွေရှေ့မှာ ငါ့ဝိုငြင်းဆိုဝိုလူဟ ရွှေဗြို့တော်မှာရှေ့တော်မူဝို ငါ့ရဲ့အဖဘုရားရှင်ရဲ့ ရှေ့တော်မှာ သူ့နို့ဝို ငါငြင်းပယ်မယ်ဖြစ်ရယ်။

နာမကျန်းဖြစ်သူဒွေဝို ကုသပေးဂေ့ပြီး သေဝိုသူဒွေဝိုလဲ သက်ပလန်ရှင်စေလော့။ နာဂီးရောဂါသည်ဒွေဝိုလဲ စင်ကြယ်စေပြီး ကောဆိုးဝါးပူးကပ်ခံနေရသူဒွေဆီဟ ကောဆိုးဝါးဒွေဝိုလဲ နှံထုဂေ့လော့။ နန်းနို့ဟ အယ်မိုစွမ်းဒွေ ခမဲ့ရဝိုမျိုး ခြားလူဒွေဝိုလဲ ခမဲ့ကူညီဂေ့လော့။

အဲဂျော့ ကြော့ဂေ့န။ နန်းနို့ဟ စာရားငှက်ဒွေထက် များဂီးပိုတန်ဖိုးရှေ့ရယ်။

ငါဟ အယ်မိုဘာမလေပေါ်ဝို ငြီးချမ်းခြင်းဝိုဘဲ့ ယူဆော်ပြီးလာဇာဖြစ်ရယ်ဆိုပီး တွီးဂေ့န။ ငါဟငြီးချမ်းခြင်းဝို ယူဆော်လာဇာမုဘဲန ထားဝိုယူဆော်လာဇာဖြစ်ရယ်။