Beliebte Verse in مَتّی 24

وَ بي سَبَب کِثرَة الشَّراره، راح تِبرَد مَحَبَّة چِثیرین. أمَّن کِلمَن یِضُل وافي لِحَد النَّهایَه، راح یِنجَح.

وَ بِشارَة الْمَلکوت تِنْعِلِن لِکِل مَکان الْعالَم خاطِر إتکون شَهاده لِجَمیع الْأقوام. هِنّوب راح تُوصَل النَّهایَه.

أنتُم راح تِسِمعون أخبار الْحُروب وَ شایِعات الحُروب راح تُوصَل لِأذانکُم. أمَّن لا تِخْتَرشون، لِأن کون إتصیر هِیچ وَقایِع، أمَّن النَّهایَه بَعَدهي ما واصله.

وَ هَم ایگومون قُوم عَلَیٰ قُوم وَ حُکومَه عَلَیٰ حُکومَه أخریٰ. وَ ایصیر گَحَط وَ راح تِیّي زَلازِل بي أماکِن مِختِلفه. أمَّن هِذِن کِلهِن بِس بِدایَة وُجَع الْمِیِّب إلْلي فاصِلَة الوُجَع أتقِل وَ أتقِل.

السَّماء وَ الْأرض راح یِنْمَحَن، أمَّن حَچیي ما راح یِنمِحي.

لِأن چِثیرین راح إیّون بي أسمي وَ راح یِگولون، ”أنا مَسیح الْمُوعود،“ وَ راح یِضَیعون طَریق چِثیرین.

«بي ذاک الزَّمان راح یِسَلمونکُم خاطِر چِثیر تِتأَذون، وَ راح یِقِتْلونکُم. وَ جَمیع الْأقوام راح یِکُرهونکُم لِخاطِر أسمي. بي ذِکِن الْأیَّام وایدین یِتْراجعون مِن إیمانهُم، شي راح إتْخون شي وَ شي راح تِکرَه شي. وَ ایگومون أنبیَاء الْکَذَبه وَ راح یِطَلعون نَاس چِثیرین مِن الْطَّریق.

عیسیٰ جاوَب: «دیرُوا بالکُم خاطِر أحَد لا یِضَیِّع طَریقکُم.

چا أنتُم هَم کونوا مُستَعَدین، لِأن ابن الْإنسان ایّي بي ساعَه إلْلي ما تِنتَظرونها.

چا أسِهروا، لِأن ما تِدْرون رَبّکُم بي أي یُوم راح ایّي.

«وَلا أحَد یُعرُف ذاک الْیُوم وَ ذیچ السَّاعه غِیر الْأب؛ حَتَّیٰ مَلائِكَة السَّماء وَ الْابِن هَم ما یِعُرفون.

لِأن مَسیحین کَذَبه وَ أنبیَاء کَذَبه ایگومون، راح یِصِنعون نِیاشین وَ مُعجِزات عَظیمه خاطِر لُو إیصیر، یِطَلعون الْمُختارین مِن الطَّریق.

وَکِت ظُهور ابن الْإنسان راح إیکون مِثِل زَمان نَبي نوح. بي أیَّام گَبل الْزود، گَبُل لا نوح یِدخَل بي السَّفینه، النَّاس چانُوا یَأکلون وَ یِشُربون وَ یِتزَوِّجون وَ یِتزَوِّجَن و ما چانُوا یِدرون شِنهي قادِم. لِحَد ما إیّه الْزود وَ خِذَه الْجَمیع مَعَه. ظُهور ابن الْإنسان هَم راح إیکون بي هِل شِکِل.