Beliebte Verse in Maatiyos 7

Teilen

Sinah tamxawo kinnik esserita, geytoona kinnik wagiya, sinah fakkitto kinnik lel ukuxkuxa.

Amayim lel esserinnanti kabbaata, wagiyati geya, yakuxkuxe tiyah lel akah fakkitto kinamhi sabbatah kinni.

Ta yi waani yaabbeh abittodde ashishinnanti lel ishi care qooqhaxak abe kas-le tiya balih yakko kinni.

Amaydo, Sercat kee Nobowa tarhxem tayim kinnik, aki xiyaw sinah aboona farhe dhadhdheenim atin yakkeedo tenah aba.

Aniina fanah beya caraf xeewintiya, arax lel sirii tiya kinni, kayya geya mari lel dago mara kinon.

Xeewin carafko oroba. Amaa liyalle xiyaa beya caraf fidina, amaa arax lel sahiil kinni, amadde oroba mari lel mango mara kinon.

Amaydo, atin uma mara kitin hanuk, sinni cindhamah mece muttuxuwa yaxaynim taarhegiinih yekkemko, carshelle geytima Abba kaa esserinnan marah amayimko ziyaada mecem yaxaye!

“Tamfirridinki mafradina. Amayim lel toxoyin firdeh tamfarradoona kee tatneefecin qiyaasah sinah tanqaaso kinamhi sabbatah kinni.

Ta yi waani yaabbeh abittodde ashishinnixeti lel ishi care xootsalle abe duuda balih yakko kinni.

Ku intikke yane gunde tablo akko waytaya, ku sacalhi intik yane askurta aaginah duhta? Hido, ku intikke gundi akko yaneya, ishi sacalakke: ‘Ku intiiko askurta koh ayyaaco’ aaginah akko tarhxe?

Addaako simbaaca suulal kinon hanuk, ciidot saradde sinalle tamiite zirabti nobowaako zeelita. Ten daroh ten taysharhaarhagoona kitin. Cinab keenan-le xorhko yakatte, woole indacaari sibsibko?

Amaydo, mece xarha mece daro bahta, laakin uma xarha uma daro bahta.

Mece xarha uma daro bahto mirhicta, uma xarha lel mece daro mibahta.

Inkoh mece daro baahinnixe xorh yaggiriceh giradde cidditta.