1
MATTHAI 5:15-16
Tedim Bible
TDB
Mei a vak khit ciangin kuamah in lawh khuhlo hi. Meivakna mun sangah koihzaw a, innsung khempeuh a taangsak hi. Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un.
Vergleichen
Studiere MATTHAI 5:15-16
2
MATTHAI 5:14
“Note pen leitung mite a dingin khuavak tawh na kibang uh hi. Mual dawnah a om khua kiseelcip thei lo hi.
Studiere MATTHAI 5:14
3
MATTHAI 5:8
Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.
Studiere MATTHAI 5:8
4
MATTHAI 5:6
Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi.
Studiere MATTHAI 5:6
5
MATTHAI 5:44
Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un.
Studiere MATTHAI 5:44
6
MATTHAI 5:3
“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.
Studiere MATTHAI 5:3
7
MATTHAI 5:9
Kilem nading deihin a hanciam mite in Pasian’ tate cihna ngah ding uh ahih manin thupha ngah mi ahi uh hi.
Studiere MATTHAI 5:9
8
MATTHAI 5:4
Dahin a thum a tau mite Pasian in amaute hehnem ding ahih manin thupha ngah mi ahi uh hi.
Studiere MATTHAI 5:4
9
MATTHAI 5:10
Pasian’ deihna bangin a gamtat manin bawlsiatna a thuak mite vantung ki-ukna sungah a omte ahih manin thupha ngah mi ahi uh hi.
Studiere MATTHAI 5:10
10
MATTHAI 5:7
Midang a hehpih mite tungah Pasian in hehpihna pia ding ahih manin thupha ngah mi ahi uh hi.
Studiere MATTHAI 5:7
11
MATTHAI 5:11-12
“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi. Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.
Studiere MATTHAI 5:11-12
12
MATTHAI 5:5
A lungnem mite in Pasian’ ciamsa leitang ngah ding uh ahih manin thupha ngah mi ahi uh hi.
Studiere MATTHAI 5:5
13
MATTHAI 5:13
“Note pen leitung mite a dingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, mite’ tuatcilgawp dingin kipaai lel hi.
Studiere MATTHAI 5:13
14
MATTHAI 5:48
Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.
Studiere MATTHAI 5:48
15
MATTHAI 5:37
Na gen peuhmah ahi ahihleh, ‘Hi,’ ci inla, ahi lo ahihleh, ‘Hilo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.
Studiere MATTHAI 5:37
16
MATTHAI 5:38-39
“Note in, ‘Mittang khat tang ding mittang khat, ha khat tang ding ha khat,’ ci-in a kigenna na zaksa uh ahi hi. Ahi zongin note kiangah ke’n kong genin-ah: A gilote na thukkik kei un. Mi khatpeuh in na paang taklam hong bet leh a langkhat zong na dawh lai zaw in.
Studiere MATTHAI 5:38-39
17
MATTHAI 5:29-30
Tua ahih manin na mit taklam in na mawh nading hong piansak leh khelkhia inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi. Na taklam khut in na mawh nading hong piansak leh sattan inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi.
Studiere MATTHAI 5:29-30