Beliebte Verse in Matè̌ 19

Teilen

Běcǎ Yeshǔ kè̌cû̌ tôtǐ asî dě a hî̌ asî kû̌, “Kòyòhǎkhû̌phû̌ ma̤hǎplǎge jò tûû̌ anǎ̤tô̤̌ bǎbǎkǎlè Cǒmara ma̤jòta̤ pṳ̂̌꤮ tocǒ.”

Pô̤̌nudě asî mî̌ kòyò sò̌ginǐ̤ mè̤̌petô̤̌. A htûhtò̌kè tôpwa̤ nô̤̌ akhû̌akhî, ta̤ dǒ Cǒmara bè̌cu yǎnu, kòyòhǎkhû̌phû̌ bǎ bè̌yò yǎ tôpwǎ̤꤮ tô̤̌.”

Běcǎ hî̌shěshu asî kû̌, “Dǒ hǎkhû̌htûlû̌ mǒkhû̌htûsa akhanu, ‘Cǒmara bô̌lò̤ pwǎ pwa̤mǒ̤ tôpwa̤ kû̌ pwa̤khû tôpwa̤ nô̤̌pwǎ,’ numî̌ sî dô̌nô̌ gû̌ kòyò tô̤̌ ya? Htodě Cǒmara hî̌ kû̌, ‘dǒ ta̤we̤ta̤kè hǒo akhû̌akhî pwa̤khû nî̌ a bǎ bè̌kè amǒ̤apha dě a bǎ cû̌ ô̌plǒ kû̌ ama, dě kòyò hǒo sò̌ginǐ̤nu a htûhtò̌kè tôpwa̤ nô̤̌pwǎ.’

Dě Běcǎ Yeshǔ hî̌ asî kû̌, “Plûhè phijǎphû̌ nutokhlǒ dǒ he ô̌ bǒo, ma̤tě̤tṳ̌ tǎ̤ asî tǎ̤mǎ̤, ma̤titè̌hî̌dě mǒkhû̌ ashiagǎ numî̌ kòyò dǒ a shò̌lò̤ asǎphlǒ sô̌sô̌kû̌ phijǎphû̌ nutokhlǒ atahǒ.”

Bǎbǎkǎlè kòyò ô̌ dǒ nô̌kòlǒ tokhlǒ nî̌, a gǔ ô̌ dǒ kòyò alô̤mô̤̌lǒ pě. Dě kòyò ô̌ dǒ alô̤mô̤̌lǒ tokhlǒnu, a gǔ ô̌ dǒ nô̌kòlǒ pě.

Htokhôtô̤̌ mò̌pèpè̌ bǎbǎ, dǒ he akhû̌akhîdě a bè̌kè ahǐaphò bǎbǎ, apṳ̌awè̤̌ tokhlǒ bǎbǎ, amǒ̤apha bǎbǎ, aphû̌ali̤ tokhlǒ bǎbǎ, a gǔ nǐ̤bǎ dû̌wî̤khlo pe kû̌ a bè̌kè nutokhlǒ aplǎ dǒ ya̤kû pě, htodě a gǔ nǐ̤bǎ yôla htûpwa̤ tûjû̌pwa̤ pě.

Dě Běcǎ Yeshǔ hî̌ lû̌û kû̌, “Kè̌ na sǎyṳ htûhtò̌ kòyò dǒ a lǒbe tôpwa̤ kè̌hî̌dě ge shaǎkèbò na cǔlǎkhò̌khû̌ nutokhlǒ dě ǐ kè kû̌ kòyò hǎwě̤shèwè̤phû̌ tokhlǒnu. Na kè̌ ma̤pô̤̌nu hî̌dě na gǔ nǐ̤bǎ ta̤dû̌yò̤̌htò̌sa dǒ mǒkhû̌ pě. Ge ma̤ pô̤̌nu dě hè gû̌kû̌ hekò.”

Běcǎ Yeshǔ gwè̌ lû̌û kû̌, “Ma̤titè̌hî̌dě na cû̌ gwè̌tǒ̤ he kû̌ ta̤wô̌ awe̤akè ma̤titè? Kòyò dǒ awô̌ mè̤̌mî̌ca numî̌ a ô̌ pwǎtǒ̤ Cǒmara tôpwa̤ nô̤̌ pwǎ. Na kè̌ sǎyṳ nǐ̤bǎ yôla htûpwa̤ tûjû̌pwa̤ kè̌hî̌dě gû̌ ma̤ pô̤̌ Cǒmara ta̤mǎlò̤nu.”

He hî̌ pô̤̌ sî, tîsî̌budû̌ tôdo glè̌ plî̌nṳ̌ dǒ htò̌nè̌kûnu ayû khlope kû̌ kòyò dû̌yò̤̌htò̌sa tôpwa̤ glè̌ nṳ̌ dǒ mǒkhû̌ shilǎ̤gǎkûnu.”

He hî̌ sî, kòyò tôpwa̤pwa̤ dǒ ama cû̌sǔnṳ̌plěnṳ̌ pwa̤khû tô̤̌ bǎbǎkǎlè a kè̌ bè̌kè ama kû̌ ta̤we̤ta̤kè dǒ ashǔshawa̤ dě a kè̌ cû̌phî̌ tèplè̌ ama dǒ ashǔshawa̤ numî̌ a cû̌sǔkèhto pwa̤mǒ̤hǒ.”

Hǒtaplǎdě Yeshǔ hî̌ akhôphijǎ tokhlǒ kû̌, “He hî̌cǒcǒ sî, kòyò dû̌yò̤̌htò̌sa tôpwa̤ glè̌nṳ̌ dǒ mǒkhû̌ shilǎ̤gǎkû numî̌, apò̤̌yǎ̤ jî̌ aya.