Beliebte Verse in Matè̌ 18

Teilen

Ma̤titè̌hî̌dě, kòyò sò̌ginǐ̤pwǎ bǎbǎ, sò̌supwǎ bǎbǎ, asî kè̌ ô̌cuô̌plǒ lû̌û dǒ hemi̤ akû kè̌hî̌dě he ô̌cuô̌plǒ kû̌ asî pě.”

“He hî̌ bǎ pô̤̌ sî, dǒ hǎkhû̌ hǒonu, kòyò sò̌ginǐ̤ kè̌ sǎphlǒ sô̌sô̌ lû̌ hî̌dě a kwicaba titètè̌ bǎbǎnu hepha dǒ mǒkhû̌ tôpwa̤ gǔ ǐ bò̌bò asî kwinu tokhlǒ pě.

Běcǎ Yeshǔ kaǎ phijǎ tôpwa̤ dě a nohè ihtǒô̌ lû̌û dǒ asîkla. Dě a hî̌ asî kû̌, “He hî̌cǒcǒ sî, sî kè̌ htû̌lè̌ tèplè̌ sî sǎphlǒ tô̤̌, sî kè̌ htûhtò̌ sô̌sô̌kû̌ phijǎphû̌ nutokhlǒ tô̤̌ hî̌nu, sî nṳ̌ jò dǒ mǒkhû̌ shilǎ̤gǎkû tôkhò̌꤮ tô̤̌.

Ma̤pô̤̌nudě, kòyò dǒ a shò̌lò̤ asǎphlǒ pô̤̌ phijǎphû̌ tôpwa̤nu, dǒ mǒkhû̌ shilǎ̤gǎkû numî̌ adû̌lǒkò hǒ.

“Kòyò tôpwa̤pwa̤nu dǒ a kè̌ hemǐ̤sǎ dě a kè̌ kaǎmô̤shǔ phijǎphû̌ sô̌sô̌kû̌ hǒtôpwa̤nu a kaǎmô̤shǔ he hǒ.”

“He hî̌cǒcǒ sî, dǒ hǎkhû̌nu sî comě titètè̌ bǎbǎ, dǒ mǒkhû̌ nu, Cǒmara comě pô̤̌nu pě. Dǒ hǎkhû̌nu sî bôphlǔ titètè̌ bǎbǎ, Cǒmara bôphlǔ dǒ mǒkhû̌ pě.

Dě Běcǎ Yeshǔ hî̌ gutṳ̌kè kû̌, “Sî kè̌ plûkè lǒ̤sû̌lǒ̤sò̌ mè̤̌mî̌ca sî pṳ̌wè̤̌ pwa̤yṳ̌ǎta̤phû̌ tôpwa̤ kû̌ tôpwa̤ ata̤sǔ tô̤̌ numî̌, pha Cǒmara dǒ mǒkhû̌ tôpwa̤ gǔ ma̤ sî sô̌sô̌ pô̤̌nu pě.”

“Kòyò tôpwa̤pwa̤ kè̌ noma̤sǔ phijǎpî̌tî̌lǒ dǒ a yṳ̌ǎ he tokhlǒ akla tôpwa̤pwa̤ hî̌dě, comě lǒ̤dû̌ dǒ a gô̌bôlô̤nu dě wîtě̤kè a dǒ shidû̌shitawe̤kû numî̌ awô̌khlo pě dǒ lû̌ya.

“Sî gènè̤ kè̌kè̌, kòyò tôpwa̤ kè̌ asû̌phû̌ ô̌ ado tôya̤, dě a cû̌ hǎmǎkè mò̌ tôdo kè̌hî̌dě a gǔ bè̌kè ado lǐ̤sô̌tishi kû̌ lǐ̤sô̌ tôdonu dǒ ashǎǎkhû̌ dě a bǎ hǎhtò̌cû̌ kè̌lǎǐ a cû̌ hǎmǎkè nutôdo nupwǎ yahî̌?