Beliebte Verse in Matè̌ 15

Teilen

Bǎbǎkǎlè ta̤ dǒ a ô̌ dǒ gô̌kû hǎhtò̌ tokhlǒ numî̌ a ô̌ dǒ sǎphlǒkû hè, dě a ma̤ phû̌mò̤̌ kòyò. Ma̤titèhî̌dě ma̤si kòyòhǎkhû̌phû̌, cû̌sǔnṳ̌plěnṳ̌ kòphû̌kòma, cû̌sǔnṳ̌plěnṳ̌ pwa̤mǒ̤pwa̤khû, ǎhǔǎhî̌, khòlṳ̌lòhô lô̌khô ta̤, dô̌mi̤dô̌yô̤ kòyò, kû̌ ta̤gènè̤ phû̌mò̤̌ tokhlǒ, lǒ̤꤮ bò ta̤ hǒtokhlǒ numî̌ a hèhtò̌bò dǒ kòyò a sǎphlǒkû pwǎ.

Ta̤ dǒ a nṳ̌ dǒ kòyò gô̌kû tokhlǒnu, a ma̤ phû̌mò̤̌ bǎ Cǒmara alô̤mô̤̌ tô̤̌. Bǎbǎkǎlè ta̤ dǒ a hǎhtò̌ dǒ kòyò gô̌kû tokhlǒnu, a ma̤ phû̌mò̤̌ lû̌û.”

‘Kòyò hǒtokhlǒ bè̌dubè̌nǎ̤ lô̌khô he kû̌ akhû̌phě bǎbǎkǎlè asǎphlǒ numî̌ a ô̌tepheyî̤ kû̌ he pwǎ. Asî cabahtò̌ henu yô̤̌mṳ̂yô̤̌sǎ ô̌ tocǒ꤮ tô̤̌. Asî sû̌ǐtòwòǐ pwǎ kòyò kû̌ kòyòhǎkhû̌phû̌ alǎ̤klô tokhlǒ pwǎ bǎbǎkǎlè a hî̌ tûû̌ lô̌khô kû̌ a sû̌ǐtòwòǐ kòyò kû̌ Cǒmara a ta̤mǎlò̤ tokhlǒ.’”

Hǒtaplǎdě Běcǎ Yeshǔ hî̌shěshu lû̌û kû̌, “Pwa̤mǒ̤, na ta̤yṳ̌ta̤nǎ̤ shû̌sho jî̌jî̌! Pô̤̌ na kwinu a gǔ htû bǎ na hǒ꤮.” A phû̌pwa̤mǒ̤ ô̌shû̌ô̌mô̤ ge wô̌wô̌ bǎbǎ hènè bǎ Běcǎ hî̌ lû̌û akhanu.

Dě pwa̤mǒ̤ nutôpwa̤ hè dô̌gînî̤lò̤ dǒ Běcǎ Yeshǔ lô̤mô̤̌ dě a hî̌ lû̌û kû̌, “Ǒ꤮ Běcǎ, khòsǎdô ma̤jè̌ mò̌ he nî̌꤮.” Dě Běcǎ hî̌shěshu lû̌û kû̌, “Pa phî̌kè phû̌ tokhlǒ ashǎǎ dě dǐǎ kû̌ shǐ tokhlǒ numî̌ a gwǎtô̤̌.” Dě a hî̌shěshu kû̌, “Amè̤̌kǎ, Běcǎ bǎbǎkǎlè shǐ tokhlǒ numî̌ a ǎbǎ tônô̤̌ aběcǎ shǎǎ lò̤gǔlò̤wṳ̂̌ dǒ dîwǎ̤lǎ̤ nutokhlǒ nô̤̌pwǎ.”