Beliebte Verse in Yakubu 1

Teilen

Ba̱wumbeyang nzuk, ki yi nwa na̱bvung ba̱ a̱zi ntaka̱i, yi brak n yya rya sai, rot yi bvwo ka̱ram ka na̱bvung a na mai wrak ka̱ryong nyin ka ni, yi ni maai tram si tat a̱ngbom.

Ma a̱yin nyin nu a̱za̱ncyi na ku zzak ni na̱ naai Ka̱za ka ni ku nang; rot ka na ka koyan di rya sai di ka nan byyi a̱dyying ba.

Ba̱wumbeyang ba n cat i, yi ryok bring ba, dolet koyan a̱ yet a̱ntyok pfong da̱ a̱pfo, ma yi ta̱rwam bu na̱nu nyin na, i ryok yya diryen ba̱gigik ba.

Yi sseng i ryi yi tram si tat a̱ngbom u, ban bu hwan, i gi yet ba̱jyem bu ba̱kinkreng ba̱nyet, da̱ nyin ba ni ka̱u an kyang ba.

Yi ryok ya raai i tyyi ndya nyin na bu i pfong ba̱ryat nu ba ba, ma yi bu yya kyang a ba̱ryat ba ba hywa ni.

A̱yin nu a̱ sseng a̱ si tat a a̱ngbom ka̱bvung u ni a̱ ni hok ansham. Rot ka̱ram ka na̱ bun tyak ka̱bvung ka ni, a̱ ni san za̱nang sucet jinji A̱gwam Ka̱za na̱ hywa da̱ a̱ ni wrak ba̱nyet ba a̱ ku gwai ni.

Kozan a̱tsatsak za̱nang bu kozan a̱zizrak nkyang zi san, sa̱rei na nyyai Tazwa, di Ka̱za. Nka a̱ yya sa̱rei nkyang a sai tazwa ka ni. Nu diccu nu a̱ ssek ba, di na̱ ni brak di ma̱nwwuk ni ba.

A̱yin nu a̱ pfong ba̱ryat ba, di na̱ yya kyang a ba̱ryat ba ba hywa ni ba, a̱ ryi di a̱tuba nu a̱ ya cyang a ma̱dubi ni a̱ ryi ka̱sak ka na̱n dyi ni. A̱ ya cyang ansham a̱ brak a̱ rot, na̱ shek-shek a̱ bring ka̱sak ka na̱n dyi ni.

A̱zizrak tssup u a̱ yet a̱nying ka̱ryong A̱tyyi njit Ka̱za kan cat i, nu a̱ yet zi cam na̱kunak bu ba̱nyring sang ba̱ntyok i ba̱ brang ka̱yat ka̱bvung ka ba sswa ni; zi bu ta̱rwam ho nkyang ka̱sa na bu za shik.

Ka̱ram ka a̱yin na̱n cat yya a̱ka̱tuk kyang ni, na̱ ryok hywa di Ka̱za a̱mi a̱ ku me ba. Rot a̱yin a̱ ni maai me Ka̱za ka yya a̱ka̱tuk ba. Ka̱za ma ka ma̱n me a̱yin ba. Kozan a̱yin, ki ba ku me, a̱ka̱tuk a̱huhwa nu a̱mi a̱ ku raai, a̱ ni ku kwwat a̱ si tyyi a grung.

A̱wumba nu a̱ byyi dizot ni, na̱ gwai ka̱sak ka Ka̱za kan ku yrek i.