Beliebte Verse in 2 Korinti 1

Teilen

Zi dyep Ka̱za. Nka a̱ bo yet A̱tyyi A̱gwam njit u Yesu Kristi, A̱tyyi nu a̱ pfong dizot njit i, nu a̱mi a̱ bo za ta̱gbak. Nu a̱mi a̱ za ta̱gbak sa̱rei i ka̱bvung ka zi sswa ni, njit meyang zi gi ma̱n ta̱gbak ba̱nyet ba a̱ shyi i sswa na̱bvung ba̱zi taka̱i ni, zi ba̱ ta̱gbak ka̱sak ka Ka̱za kan za ta̱gbak ni.

Ka̱sak ka zin byyi bvak a duniya ka̱bvung u Kristi na̱ sswa ni, a̱mi brak zi bun byyi bvak i ta̱gbak a na̱n ta̱gbak ba̱nyet ba ni.

Zi ryi a ndya njit a anye ba za yya shirya dikwu, a̱ yemi dei zi gi bvwo njit a̱ccu njit zi maai i ya san ba se zi cyang Ka̱za ka a̱ wwat nkom sso ni.

Ka̱za a̱mi a̱ ni za ryi maai a zi ni maai i sseng ansham a̱ta̱ssi Yesu ka ni, sa̱rei ba̱ nyin. Nka a̱mi a̱ za tssa a̱ tun a̱ za zzu lamba nying na ni tyyei ka̱sak ka zin yet ba̱nuu ba ni, a̱ bo za ryi Tswa nka ji zi yet shaida kyang a Ka̱za ka sak a̱ ni za ryi ni.

Ki zi sswa ka̱bvung, zi hywak nyin a̱mi zin sswa, zi gi ya ta̱gbak, yi gi shya sucet. Ki ba za ta̱gbak, zi hywak nyin a̱mi, ba ga ya ta̱gbak meyang, rot yi bvwo ta̱gbak a ni ya ryi cet sseng di hakuri ka̱ram ka yin sswa ka̱bvung bu ka̱yring bu kanka zin sswa ni.