Beliebte Verse in 1 Bitut 2

Teilen

Ma nyin a̱mi yet wap a ba tssa ni, ka̱srong ba̱gado Ka̱za a̱gba̱dang A̱gwam, a̱zizrak ba̱nyet Ka̱za, ba̱nyet ba Ka̱za ka yei ba bu tyyei cet nka na ni, a̱ ba̱ yei ka̱yat ndyin a̱ ba mi i ka̱sham ka̱bvwa sai nka ka.

Kristi diccu nu a̱ cot a̱ka̱tukyya njit u ka̱yat rwam nu a̱ nat i tazwa ka̱teyang, a̱ka̱tukyya a̱ ga kwu ka̱yat ndwam njit zi nwa a̱zizrak swat. Nhwot nu na a̱mi tyyi yi creng. Yi yin dyi di bvon-tsaap ji brik ni, ma naani ba ya brek a̱ ba mi yi tssup A̱ntyok A̱tsaai ba̱ a̱tuba nu a̱ cam sso nyin ji ni.

Ka̱ram iyemi yi yin yet ba̱nyet Ka̱za ba, ma ba̱nyying yi yet ba̱nkaa. Ka̱ram iyemi yi yin bvwo dizot Ka̱za ti ba, ma ba̱nyying yi san dizot nka ti.

Yi ya brak di na̱mawon ni; kozan ka̱ram yi kun a̱zizrak ba̱byyang ntswa nu, yi ku sswa i rai i gi shya sucet.

N ya naai ba̱wumbeyang nzuk, di ba̱nyet ba a̱ shyi i dicen ni bu nrang ka̱sa kani ni, yi ryok wwon ndwam nyin na yya nkyang a na cat i ba, nna ni kwan kozan ka̱tuk bu tswa njit ji ni. Dolet a̱mi yi cong a̱zizrak ka̱cyet ka̱sak ka ko ba̱nyet cyi Ka̱za ba a̱ cat kyang ya pfwei di yi yya a̱ka̱tuk nkyang a̱ bu shya yi byyi a̱tsatsak mpfong, har a̱ dyep Ka̱za ka̱tuk ka ka nin ba ni.

Yi ba da̱ni kpang ji byyi sucet ni ba bu ya sook a̱ nok bat ntswa Ka̱za na, ka̱bvwa nu yi nin yya pfong a̱zizrak gado Ka̱za nyin na ni, i cong bu ba̱hyum ntswa nyin ba Ka̱za ka ni san a̱zi hywak Yesu Kristi ni.

Rot a̱mi yi ya tun ka̱yat na̱kpot, i pfwi dira bu tyong a̱ssi bu swam, i ryok ba̱shwwang.

Yi ba ka̱rek A̱gwam njit ka, a̱tuba nu a̱ yet kpang sucet ni, nying ji ba̱nyet ba rak di byyi kpungtun ni ba, ma nji Ka̱za ka tssa zi yet a̱tsatsak assi nka.

Yi swat di ba̱set ba̱nyet ni, ma yi ryok brak diset nyin ti i si tyyi ti kup a̱ka̱tukyya ba, ma yi swat di ba̱kwwa Ka̱za ni.

Ka̱za a̱ cat a̱tsatsak nkyang u yi yya ni na muk na̱nu ba̱bvwon bu ba̱gbyik ba̱nyet ba.