Beliebte Verse in Mataibo 4

Teilen

—Cho. Maiti an gï ïïgidagi— itïtïdai Suxi. —Diuxi ñokidïrï ikaiti sai, Odami mai bhaiga xi kïïgakïrï óídakagi mosïkaxi kuadagaikïdï. Gï agai Diuxi ñokidï tudu sai ïgaikïdï kïïgakïrï óídakana óídakami, itïtïdai.

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

Daidi Suxi potïtïdai, —Diuxi ojadïrï pokaiti ïpï sai, Maiti gï agai ïmoko xi aagiadagi Diuxi saidi iduna ïgai ixtumaxi mos nïida ïrhiditai sa bhai iduna ïgai— itïtïdai.

Dai gokiïrï xi gï bakoanatu go Suxi ami go aki Jordanïrï sai bhodïrï jii ïgai abhiadïrï kïïga ïïgiditai ïgai Diuxi Ibhïadï. Dai Diuxi Ibhïadï baidaja go Suxi oidigamu saidi buidïrï aïna go Diabora saidi ïgai abïnakidana sai soimaaxi duna go Suxi. Dai maita gautadai Suxi toma lïïchi ami oidigana dakatai gokobhai tasai dai kabami bhiugimuka.

Dai Suxi potïtïdai aidï, —Aapimï kïkïïrhi, aapimï ïr gaagadami batopa xibi. Gin oidabïrai tudu nai aanï gïn tïïgidamu mïx dukatai gaagana aapimï óídakami bhaiyoma saidi abïnakiada aapimï saidi gin buaboitudana ïgai— itïtïdai go Suxi. Dai ïgai otoma amaxi bia batopa buikarudï daidi oi ïgai go Suxi.

Dai Kapernaumïrï oidatu Suxi aidï. Dai aidï abhiadïrï gï aaga ïgai aaduindadï dai gamamaakaitadai ïgai ñoki go óídakami. Potïtïdaiña ïgai sai, —Ka miadaimi ix gatïanïdagi Diuxi. Dai kaxkïdï gï agai mïxi ïma dukai gïn tïtïgitoagi maatïkatai saidi ïr soimaaxi ibuadami aapimï— itïtïdaiña