Beliebte Verse in Pusuana 3

Teilen

Pathian in, “Keima sia Keima ka hi hi. Amate tungah hisia na son hamtang tu hi: ‘KEIMA a kici khat in note kungah kei hong paisak hi.’

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Pathian in, “A naizaw in hong neak heak in. Na peangdap suut in, banghang ziam cile mun thiangtho tungah ding ni hi.

Tua zawkciang TOPA in, “Egypt ah ka mite bang zata vawtsiatna thuak cisia ka mu zo hi, sila ukte khut sung pan suakta nuam in a kaana aw zongh ka za zo hi. A ngim thuakna theampo ka he siat hi, tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Tualai ah TOPA vantunglalang sia sawlpaang khat ii sung pan a pusuak meikuang khat bangin ama kungah kilangh hi. Moses in sawlpaang a kaangh in mu a, ahizong sawlpaang sia kaanghtum ngawl hi.

Tu in ka mite Egypt ngam pan lam na pui thei natu in, a kumpipa kungah nangma kong puak tu hi,” ci hi.