Beliebte Verse in Romaĉantyidyes 6

Teilen

Mọꞌ yaꞌitacdyeꞌ juchaijtyidyes in, sänꞌdyeꞌ raꞌ soꞌmac in. Mọꞌyaꞌ chimeꞌ mọꞌ ñịbeꞌyedyeꞌ soꞌmisinꞌsiꞌ Jenꞌ Jesucristoty tsun, muꞌ nash Ayoꞌ tsun, muꞌ soꞌmisinꞌ paj qui räjĉan Jenꞌyaꞌ bäꞌjaꞌ tsun.

Q̂uinꞌ chat aty raꞌ jam cäc̣häꞌchutiñeꞌ mọꞌ yụꞌtacdyeꞌ, mọꞌ jam tupuj jiꞌc̣honnac, muꞌ qui Jenꞌ cäc̣häꞌchutinte, ñịbeꞌjitidyesyaꞌ muꞌ ñútyinac paj qui meꞌquiꞌdye ayoꞌbuꞌyi miꞌincheꞌ mọꞌ juchaj.

Jiꞌchojtidyeꞌ tsun mọꞌ yiꞌ junꞌ chuc aty jiꞌsitac muꞌyaꞌ tsun, mọꞌdyes qui muꞌtum sänjaꞌ judyeyaꞌ muꞌtumdye nạc chimeꞌ tsun. Aty meꞌsiꞌ muꞌ Jenꞌ därsiꞌyaꞌ ferdyeꞌ muꞌ, muꞌ vañinjibusinꞌ tsun paj qui mụiꞌsistum dyijyedyeꞌ bäꞌbajshaꞌ, yojdyemꞌ muꞌ Jenꞌ u, muꞌ Ạvatusinꞌtyiꞌ tsun, muꞌ vañinjajibun därsiꞌyaꞌ ferdyeꞌ muꞌ Jesucristo, meꞌdye qui tsun chimeꞌ.

Mọꞌdyes jam raꞌ soꞌmetiñeꞌ juchaj ĉụiꞌsiꞌ aꞌ miꞌin, paj qui jam aꞌc̣hisĉan bäꞌban miꞌin. Damꞌdye jämꞌ Jenꞌ soꞌmetinte ĉụiꞌsiꞌ aꞌ miꞌin, ĉaĉaij na sänꞌdyeꞌĉan bäꞌyi jiquej miꞌin, q̂uinꞌ aty tsạꞌeban miꞌin. Jemoñeꞌ ĉụiꞌsiꞌ aꞌ miꞌin soꞌmetinte Jenꞌ, paj qui muꞌ yuꞌnac paj qui rụij bäꞌyi muꞌdyes miꞌin.

Chị́jaꞌ tsun mọꞌ tashches dyijyedyeꞌ aꞌc̣his tsun, mọꞌ aty ijac croshcheꞌ, paj qui mọtsiꞌ mọꞌ ferdyeꞌ juchas mọꞌ ĉojtyiꞌĉansiꞌ tsun, paj qui jam quivij bächäbusinꞌ mọꞌ juchaj.

Meꞌdye chimeꞌ miꞌin jemoñeꞌ säñi yuꞌti miꞌin, paj qui aty jam junꞌbunac quivij mọꞌ juchaj, judyeyaꞌ chimeꞌ jemoñeꞌ tsạꞌtyiꞌ Jenꞌdyes yuꞌti miꞌin ĉaĉaij na aty Jesucristoty miꞌin.

Q̂uinꞌ aty rụij yụꞌtac tsun, ¿junꞌ qui bu raꞌ damꞌdye q̂uinꞌ tsun? ¿Tupuj buty yejĉojaꞌ juchayejĉojaꞌ tsun paj qui muꞌ Jenꞌ ñịbeꞌjitidyesyaꞌ muꞌ yejĉoij vayacjibusinꞌ juchaj tsun? Mijam junꞌ meꞌ, ĉaĉaij na aty sänjaꞌ buꞌjaꞌ paj qui aty jam junꞌbusinꞌ quivij mọꞌ juchaj, mọꞌdyes ¿tupuj buty yejĉojaꞌ juchayebajshaꞌ tsun? ¡Jam junꞌ!

¿Jam adac chịj miꞌin, jụꞌñityyaꞌ chuc jiꞌsäsdyi miꞌin paj qui muꞌ chiquetinte miꞌin, muꞌdye raꞌ ayoꞌ shupqui miꞌin? Jiꞌsäsdyi juchajĉan jụijyaꞌ miꞌin, mọꞌdyemꞌ ayoꞌ shupquiꞌ miꞌin, mọꞌ sänꞌdyeꞌĉan yụꞌtacsis. Jenꞌyaꞌ na jiꞌsäsdyi jụijyaꞌ miꞌin, muꞌ ayoꞌ shupqui miꞌin, muꞌ rụij yụꞌtacsity.

Meꞌ jiquej bäꞌyi miꞌin jiꞌsäsdyidyemꞌ juchajĉan miꞌin, mọꞌ jiquej juchaj ayoꞌbuꞌyi miꞌindyes. Q̂uinꞌ chat yoshoropaij jéja Jenꞌ, ĉaĉaij na aty jam meꞌ miꞌin, q̂uinꞌ miꞌin aty anicjetiñeꞌ ĉojtyiꞌĉan mọꞌ rụijsis jiꞌchäyitidyeꞌ seꞌvetiñes jiquej miꞌin. Aty jiꞌshupcac miꞌin juchajsiꞌĉantyiꞌ ferdyeꞌ mọꞌ, meꞌquiꞌdye meꞌtyinac miꞌin. Jenꞌtyiꞌ qui úñity yụꞌtac miꞌin, rụij qui bäꞌyi miꞌin.